شاهد.. تامر عبدالمنعم: "سن الـ85 لا يصلح للزواج.. اختشي يا ولية"

أكد الفنان تامر عبد المنعم، أنه لم يقصد الحديث عن الفنانة نادية الجندي حين انتقد حديث الفنانات كبار السن عن الزواج من فارس الأحلام.

سن 85 لا يصلح للزواج

وقال عبد المنعم، في مقابلة مع برنامج "العرافة" المذاع على قناة "النهار": "أنا كتبت الولية كسرت الـ85 وبتكلم عن مواصفات فارس أحلامها الخبر موجود، هل المنشور بتاعي موجود في اسم مدام نادية الجندي؟ إن بعض الظن إثم".

وأضاف: "مدام نادية معدتش الـ85 سنة ولو كان حد عدى الـ85 سنة وبيتكلم عن فارس أحلامه يبقى عيب اختشي يا ولية، فارس الأحلام بينتهي عند سن، ولكن الأحلام مبتنتهيش، في السن ده الواحد يفكر في عزرائيل ومش فارس الأحلام، السن دا لا يصلح للزواج".

وعن خلافه مع الفنان محمد فؤاد قال عبد المنعم: "إحنا اتصالحنا وقفلنا الرواية ولكن هو شغال في قضيته وأنا شغال في قضيتي، ولكن لما بنتقابل بنسلم على بعض، والمحكمة اللي تقول هو ليه حق أو أنا اللي ليا حق".

تفاصيل الخلاف

وتابع: "في الأزمة نفسها عمرو دياب عمل قعدة كبيرة في فندق شهير وحضرها تامر مرسي وأحمد آدم ومحمد لطفي ودكتور يحيى البستاني ورؤوف عيد ومحمد فؤاد وقعد عشان نحل الأزمة، وقبلها كلمني عمرو دياب، وقالي اللي هحكم بيه هو اللي هيمشي وأنا قلتله خلاص كلامك يمشي، وقالي أنا هقعد معاه وهرجعلك".

وواصل عبد المنعم: "عمرو دياب بعدها كلمني، وقالي لا مفيش فايدة، وخليكم مكملين في القضايا، أنا مبخافش ومش معروف عن تامر عبد المنعم إنه بيخاف، أنا بخاف بس على شعور الآخرين، أنا كدة على طول".

واختتم: "إما آجي عن أخ يكون مات وييجي يدخل لحرمانية الموتي، الكلام كان عن أن أخويا اللي مات، وقالوا إن ربنا انتقم مني ودا مش تنمر دا ميرضيش حد، أنا اكتأبت ولكن هندخل في ده دي حته ميدخلهاش ألا واحد حقير، والحقراء كانوا كتار أيام فيلم المشخصاتي 2، وكلهم كانوا إخوان، في لحظة ضعف صعبت عليا نفسي، وأنا مليش ذنب إن اخويا مات، أنا تراجعت عن اعتزال الفن بعدها على طول".