الخميس 28 مارس 2024 الموافق 18 رمضان 1445
رئيس التحرير
شيماء جلال
عاجل
أخبار

أحمد موسي: السفير البريطاني السابق تعمد تشويه صورة مصر

الإعلامي أحمد موسى
الإعلامي أحمد موسى

هاجم الإعلامي أحمد موسى؛ سفير بريطانيا السابق في مصر جون كاسن، مشيرا إلى أنه اعتاد كتابة التقارير الكاذبة عن الدولة المصرية خلال فترة توليه منصبه.

وقال موسى خلال برنامج "على مسؤوليتي" المذاع على قناة "صدى البلد": "جون كاسن؛ كان سفير بريطانيا في مصر؛ جون دا اختفي والانجليز رجعوه بفضيحة؛ جون دة كان أول منصب ليه سفير هنا في مصر بعد ما خلص وخرج من الخارجية في سابقة محصلتش اختفي تماما من ساعة ما رجع وفجأة طلع الأسبوع اللي فات عشان يتكلم عن المجرم علاء عبد الفتاح".

وأضاف: "هو لما عمل كدة بفكره وبفكر الشعب المصري في 2014 أعلن اغلاق السفارة البريطانية لأسباب أمنية وقال هنقفل السفارة عشان هيحصل مشاكل؛ ففل السفارة ومراته استضافت 40 واحدة من زوجات السفراء في مقر السفارة؛ السفير كان بيقول هيقفلها عشان أسباب أمنية مع أن محصلش حاجة".

وتابع: "في 2017 كان في وفد من البرلمانيين البريطانيين في شرم الشيخ عشان يشوفوا المطار ويرجعوا الطيران لشرم الشيخ اللي أوقفوها وفاكرين كويس أوي لما الرئيس راح بريطانيا وأول ما وصل وقفوا الرحلات الجوية بسبب تقرير السفير دة".

وواصل: "لما جه الوفد البريطاني طلب منهم ميروحوش شرم الشيخ وقالهم أنا مش ضامن سلامتكم؛ والدكتور سمير تكلا مقرر مجموعة أصدقاء مصر في البرلمان البريطاني أصر أنه يروح وياخد الوفد البريطاني معاه؛ راحوا شرم الشيخ ورجعوا منبهرين ولما رجعوا كان تقريرهم عن مصر إيجابي بعكس رغبة السفير دة".

وأكمل: "أنا بفكر الشعب المصري اللي بيعمل حاجة في بلدنا كويسة لازم نقولها واللي بيعمل حاجة وحشة لازم نفضحه حتى لو كان سفير بريطانيا السابق؛ السفير دة كتب مرة تقرير وكان سبب أنهم يسحبوه من مصر وكان توقع أن الاخوان هيرجعوا يحكموا من 5 سنين تقريبا وطلعت كل التقارير اللي بيكتبها كاذبة".

واختتم: "اللي عمل تقارير كاذبة عن بلدي فكرنا بالظبط بسفيرة أمريكا أن باترسون اللي كانت موجودة أيام جماعة الاخوان الإرهابية أنا بوثق حاجات للتاريخ عشان يعرف الشعب المصري قد أيه بلده بتواجه لكن الشعب المصري العظيم بيدحض المؤامرة؛ أنتوا عارفين اللي عملتوه امبارح يا مصريين معناه ايه؟ عارفين العيال الهربانة دي بتقبض وبياخدوا تمويل عشان يهدوا بلدنا عشان كدة مفيش مواطن أمبارح استجاب لأي دعوة من الدعوات اللي استمرت لفترة طويلة".