السيسي للمصريين: "بنزل اتمشى بالعربية وأشوف الدنيا فيها إيه.. أنا مش بعيد عنكم"

استفسر الرئيس عبدالفتاح السيسى عن عدد من العمارات بجوار أحد الكبارى، وقال الرئيس: "عاوز أقول حاجة عن العمارة دى نقطة مهمة هى مش بس فكرة إنها مشوهة الكوبرى، لأ، أنت عاوز تعمل حركة سطحية مستريحة، لأنها منطقة مكتظة بالسكان".

وواصل الرئيس السيسي حديثه عن المبانى المجاورة للكباري: قائلا: "بصوا على العمارة دى، وغيره، الناس دى هتقعد فين وهتتحرك إزاى، ولو عندها عربيات هتحطها فين، كام دور مين إداله الترخيص؟ ده هو ملوش ذنب، هل الناس اللى موجودة فى الحى مش فكرة فساد الموضوع مش فساد الموضوع أن الناس مش عارفة هى مين؟، سواء كان رئيس حى أو محافظ، انا بتكلم بصفة عامة مش على القاهرة بس، محتاجين نتعلم نواجه مشاكلنا إزاى؟ الكلام ده أنا بشوفه لما انزل اتمشى بالعربية وأشوف الدنيا فيها إيه فى بلدنا أنا مش بعيد عنكم، بشوف إحنا اللى عاملين المشكلة لنفسنا إحنا اللى ساكتين بتديله ليه ترخيص وبالحجم ده ليه، مش فيه استيعاب وعلم بيقول إنك لازم تعمل حسابك للحركة للناس اللى هتسكن المنطقة".