عمرو أديب يوضح عوامل حسم الحكومة لمعركة الدولار

أكد الإعلامي عمرو أديب؛ أن هناك معركة جارية حاليا ما بين من يحاولون إعادة سعر الدولار في السوق الموازية إلى ما فوق الـ 60 جنيه ومن يحاولون الضغط حتى يتراجع إلى ما دون الـ 50 جنيه.

وقال أديب خلال برنامج "الحكاية" المذاع على قناة "أم بي سي مصر": "في معركة ناس عايزة تزقه تحت الخمسين وناس تزقه فوق الستين؛ الهبدة الأولى دي كانت جامدة وناس كتير بتبيع دهب ودولار".

وأضاف: "ناس تسألني أبيع؟ معرفش أنت المفروض اشتريت عشان عاملة مخزن قيمة؛ وأنت مش مضارب لو أنت عامله ملاذ أمن خلاص ولو انت مش مستعجل ومش خايف استني وشوف انما انت حر عايز تبيع بيع وعايز تخلي خلي".

وتابع: "أنا بفكر بمنطق الأمور هو بالنسبالك ملاذ أمن؛ بتضارب بالدولار خطر بتضارب في الدهب خطر؛ احنا شايفين الصراع في السوق بين خط الـ 60 وخط الـ 50 ودا يعتمد على ايه؟ اليومين التلاتة اللي فاتوا مقدرش أقول إن الأدوات اللي تم استخدامها لها علاقة بالسوق".

وواصل: "ايه اللي يحدد المعركة دي؟ أنك تنزل تحت الخمسين ويحصل التلاقي بين البنك والسوق السوداء؛ اللي يحدد انه يكون عندك دولارات للطلبات ولما يكون مفيش دولارات للطلبات هيحصل زيادات؛ الطلب هيبتدي يسحب من العرض الكبير اللي اترمي وبعد ما يوفي هيطلع تاني".

وأوضح: "هل الدولة معاها يغطي أنا معرفش؛ التصريحات اللي قالتها الحكومة تطمئن الناس؛ السوق مش بتاع طمأنه السوق بتاع فلوس على الطرابيزة؛ الناس هتقولك أنتوا فاهمين أن المشكلة أن الدولار بيزيد؟ المشكلة في توفير الدولار ويقعد يقولك أنت عارف أنا بجيبه ازاي".

وأكمل: "الأيام القادمة الورقة في يد الحكومة أنت جاهز ياباشا تسند؛ الورق اللي معانا نزل وفي ورق حقيقي لازم يكون موجود في الأسواق اللي هو حضرتك عايز تدخل السلع بتاعتك؟ اتفضل؛ تبرد نار الأسعار؛ هذا الامر عشان تنزل السلع وأنا بحترم جدا الناس اللي ماشية مع حقيقة السوق وأنا أظن أن عدد من تجار الحديد وضعوا بقية السوق في موقف محرج بعد تخفيضهم للأسعار".

واختتم: "ينزل الدولار تنزل معاه وأحنا على فكرة طول ماهو طالع واحنا ساكتين؛ دلوقت أن الأوان نفتح أفواهنا وتقول كده غلط ولكن يجب أن الدولة تساعدنا لأن الدولة لو مساندتش كل عام وأنت بخير أنتوا هتشمتوا فينا كل الناس دي ويرجع يقولك أهو اللي حسبته لقيته نزل شوية وطلع تاني".