"شرشحة وفضايح".. مشادة بين بسمة وهبة وعلا غانم بسبب عرض فيديو لطليقها
كشفت الفنانة علا غانم تفاصيل الاعتداء عليها في منزلها من زوجها السابق وطردها مع والدتها إلى خارج المنزل بالقوة.
وقالت غانم في مقابلة مع برنامج "العرافة" المذاع على قناة "النهار" والذي تقدمه الإعلامية بسمة وهبة: "أنا مش عاجبني فكرة أنك تحطي الفيديو وأنا مش عايزة أشوفه؛ الكلام دة كله كدب؛ هو بيدعي أني بخيله طيب أنا بخيله عايش معايا ليه؟ هو أنا ليه حاسة أني بشيل قراضة؟ ليه الفضايح ليه المناظر دي".
وأضافت: "ليه مكنتش أطلق بهدوء وشياكة دي اسمها شرشحة وفضايح؛ أيه دة وحضرتك عايزاني أرد في الفضائح دي أرد بايه؟ أنا مش هنزل لهذا المستوى المتدني؛ أنا جيت واحنا متفقين أننا مش هنتكلم في الموضوع دة؛ أنت جابرتني أني أسمع صوته؛ بسمة أنت كأنك بتروجي لاكاذيبة".
وتابع: "أصرف عليه ليه هو أصغر مني؟ أنا كنت بديله 4 ألاف دولار وعربيته؛ كان شغال في الشركة بتاعتي وبيعمل اللي أنا طالباه؛ أنا قابلته في أمريكا وقالي المطعم دة كان بتاعي وبعته وقالي المحطة دي كانت بتاعتي وبعتها وأما نزل مصر أجر محطة".
وأكملت: "مش عايزة أتكلم في الحاجات دي من فضلك؛ حد يقولي فين فلوسه عشان اعرف أخد نفقة؛ مفيش معندوش فلوس؛ أنا مقلتش أنا بتجوز امريكاني خالي من العقد؛ هو مش أمريكاني ومش خالي من العقد هو من السيدة زينب ومصري صميم".
وواصلت: "كنت شايفة واحد بيحبني وبياخد باله مني وأنا كان نفسي أطلق في هدوء وبشياكة؛ لو كانت حاجة حلوة كان زماني اتكلمت ولكن دي حاجة تكسف وحاجة تعر؛ المشاكل حصلت من بعد أول كام شهر جواز؛ وفضلنا 17 سنة متجوزين ومن ست سنين كنت بحاول أطلق".
وأوضحت: "هو مش عايز يسيبني عشان أنا بخيله وفيا كل العيوب دي؛ لما كنت بحاول أسيبه كان بيتقالي هو أنا بروح فين وكان بيصعب عليا؛ في شهر عشرة تم اختلاس 270 ألف دولار من الشركة وفي نوفمبر تم اختلاس 175 ألف دولار حصل شوية تلاعب وقدر يصرف أول شيك؛ من حقة يقدر يصرف شيك باسم الشركة وراح عمل حساب تاني وقدر يصرف الشيكين التانيين".
