"أنا بحذر من دلوقتي".. تامر أمين يعلق على شكوى الأهلي ضد الهلال
أكد الإعلامي تامر أمين؛ أن شكوى النادي الأهلي ضد فريق الهلال السوداني ليس لن تؤثر على العلاقات بين البلدين، مشيرا إلى أنها علاقات ممتدة وعريقة.
وقال أمين خلال برنامج "أخر النهار" المذاع على قناة "النهار": "إن شاء الله الأهلي في الماتشين اللي على أرضه؛ صن داونز والقطن يحقق العلامة الكاملة ويبدأ المنافسة مع فرق المجموعة".
وأضاف: "في نقطة مباراة الهلال والأهلي؛ الأهلي تقدم ببلاغ رسمي ضد التجاوزات غير الرياضية وغير الأخلاقية حسب وصف بيان الأهلي وبعيدا عن مصير الشكوى ومصير البيان اللي كتبه النادي الأهلي ورصد فيه مجموعة من التجاوزات حسب وصف البيان".
وتابع: "أنا عايز أقول نقطة مهمة عشان احذر منها من دلوقت قبل ما يحصل اللي خايفين منه؛ تقديم الأهلي بشكوى ملوش علاقة بالعلاقات المصرية السودانية؛ والعلاقات المصرية السودانية تبقى علاقات محترمة وعريقة وتاريخية لا يعكرها شيء".
وأوضح: "العلاقات اللي تجمع شعبي مصر والسودان علاقات مش بكيف حد أنه يعبث بيها دي علاقات وطيدة وحب ونسب وتجارة وأعمال وجيرة وعشرة وحاجات كتير أوي لدرجة شعبين مصر والسودان بيتسموا شعب وادي النيل".
وأكمل: "نقفل القصة بتاعة العلاقات وهيحصل مشاكل في العلاقات؛ الكلام دة مرفوض جمله وتفصيلا؛ أحنا بنتكلم كورة وفي منافسة شريفة بين ناديين والأهلي شايف أن حصل تجاوزات من البعض قبل المباراة وأثناء المباراة تستحق تقديم شكوى عشان اللي تجاوز ياخد عقوبته؛ دا كلام كورة وفقا للوائح وقوانين الاتحاد الدولي لكرة القدم من حقك تشتكي لما تشوف أنك تعرضت لشيء خارج كرة القدم".
وواصل: "نكن الحب والتقدير للأشقاء في السودان ولكن المخالفات لو حصلت من البعض يتعاقب إيه المشكلة ولو اتحقق في الشكوى واتضح أن مفيش مخالفات عفا الله عما سلف ومفيش أي حاجة".
وذكر: "في مباراة العودة عندما يستضيف الأهلي نادي الهلال السوداني الاخوة الاشقاء في نادي الهلال سيعاملوا بكل حفاوة وهيتحطوا على الرأس من فوق؛ طلعوا الشكوى والبيان إلى أنه كورة في كورة ومحدش يقولي بقي أصل بسبب العلاقات الحلوة والأشقاء فالأهلي ميقدمش شكوى".
واختتم: "لما يبقي في حاجة تحصل من البعض تعكر اطار الروح الرياضية دي لازم يتعاقب؛ من هنا أو من هنا معندناش حد فوق القوانين والأخلاق".
