الإثنين 06 فبراير 2023 الموافق 15 رجب 1444
رئيس التحرير
شيماء جلال
Advertisements
عاجل
أخبار

إبراهيم عيسى ينتقد تعامل الدولة مع قطاع السياحة: "مفيش عقل سياحي"

الإعلامي إبراهيم
الإعلامي إبراهيم عيسى

أكد الإعلامي إبراهيم عيسى؛ أن مصر غير قادرة على استغلال المزايا التي تمتلكها في قطاع السياحة، مشيرا إلى عدم وجود عقل سياحي في الدولة.

وقال عيسى خلال برنامج "حديث القاهرة" المذاع على قناة "القاهرة والناس": "ليه مش عندك السياح عشان الثقافة؛ تخيل البلد اللي بيحكمها تيار إخواني في تركيا عارف يعمل مجتمع سياحي وعارف ينصب على القطيع اللي بيتعامل معاه لأن القطيع ده تقوله أي حاجة خلاص".

وأضاف: "المشكل لما نكون احنا دولة مش عارفة تتعامل مع السياحة ولا عارفة تبقى دولة سياحية رغم أن كل مكونات السياحة عندك؛ حجر رشيد أكثر حاجة بيتم زيارتها في المتحف البريطاني؛ إحنا عندنا رشيد نفسها؛ عملنا إيه برشيد نفسها".

وتابع: "إيه حال رشيد السياحي وإيه قدرات رشيد على استقبال السياح والسياحة؛ أتحدي أن يكون بيزور رشيد 100 سائح في السنة؛ دولة في أيدها كنز وبتدور على حاجات غريبة؛ التعامل مع الآثار في مصر أن عملنا متاحف وحاجة عظيمة".

وأكمل: "عملنا واحد من أعظم انجازاتنا الفترة الأخيرة وهو موكب المومياوات ولكن هل عملنا سياحة من دة؟ ليه لأن مفيش عقل سياحي أصلا؛ في عقل وظيفي عقل رسمي عقل أمني؛ مفيش عقل سياحي أصلا خد التلاتة دول بقي وحط فوقيهم المظلة السلفية".

وأوضح: "المظلة السلفية بيقولوا للسايح أيه ده في شنطة العربية ايه الخمور دي؟ تعالى شوف وأدرس هتلاقي في مشكلة؛ بتقول هنفرد الطريق بدل ما السايح يروح في ساعتين يروح في نص ساعة ولكن فين السايح نفسه؟ فهمنا الدولة ومؤسسات الدولة أن السايح دة أهم حاجة في الدنيا؟ فهمنا المواطن أن ملكش دعوة بالسايح؟".

وواصل: "أهم حاجة وانت بتتعامل مع السايح أنك متعاملوش كسايح؛ مش عايز معاملات أمنية خاصة بيه أنت بس استني عشان عربية الأمن اللي قدامه ووراه ايه ومعاملات يومية؛ حد درس كم سايح بيرجع تاني؟ هل لدى مؤسسات رسمية في مصر إجابة عن هذا السؤال؟ كم مرة يعود السائح إلى مصر؟ هل يعود السائح الذي زار مصر إليها".

واختتم: "لو انتوا جاوبتوا على السؤال دة كل حاجة هتتحل؛ لأنه غالبا السائح في مصر هو سائح المرة الواحدة".

Advertisements
Advertisements