عمرو أديب: "اللي هيعمل خرم في المركب هتغرق بينا كلنا" (فيديو)
قال الإعلامي عمرو أديب، إن «كل شيء يكون بالعقل، اللي هيعمل خرم في المركب هتغرق بينا كلنا، مش هتغرق بحد وتسيب حد، بينا كلنا».
وأضاف أديب في تعليق ببرنامج «الحكاية»، والذي يعرض عبر قناة «إم بي سي مصر»: «عايز دولار هيتوفرلك دولار، عايز سعر عادل للدولار اتعمل، عايز إلغاء الاعتمادات المستندية هنلغيها، عايز تقليل الضرائب العقارية هنقلل، اللي انت عايزه بيتعمل».
وتابع: «رئيس وزراء بريطانيا قال سأضطر لاتخاذ قرارات مؤلمة جدًا، الناس كلها بتقول له هتعمل فينا إيه، الكهربا والسلع كل حاجة غالية».
وأكمل أديب: «الوضع مؤلم وسيئ، وهي مش ناقصة افترى، إحنا مع بعض الأيام الجاية، لو الدولار نزل هل التجار هتنزل الأسعار؟!، حكاية التاجر الأمين وبتاع مش بشتغل بيها في التجارة خالص».
