أحمد موسى يفضح علاقة رجل الإعمال محمود وهبة بجماعة الإخوان الإرهابية

كشف الإعلامي أحمد موسى؛ علاقة رجل الأعمال الهارب محمود وهبة بتنظيم الإخوان الإرهابي مشيرا إلى أن قنوات الإرهاب تقوم باستضافته بصفته خبير اقتصادي.

وقال موسى خلال برنامج "على مسؤوليتي" المذاع على قناة "صدى البلد": " محمود وهبة؛ الهارب اللي خد أموال البنوك وهرب بيتم استضافته في قنوات الإرهاب وقنوات الاستخبارات الإنجليزية؛ بيتكلم على أنه خبير اقتصادي؛ بيتكلم عن الفوضى اللي يدعو للفوضى في بلادي هو زيه زي عناصر كل جماعة الاخوان الإرهابية".

وأضاف: "لما يطلع يتكلم محمود وهبة مع عناصر اخوانية إرهابية؛ نسمع الأول لأنه مهم الناس تعرف حقيقة الهارب الخاين محمود وهبة".

وعرض موسى تسريب صوتي بين رجل الأعمال الهارب محمود وهبة والإرهابي الهارب علاء الظاهري وجاء فيه: "أرجولكم التوفيق يا جماعة احنا في مرحلة حساسة وأنا شايف أن الناس بتشتغل دلوقتي عشان هدف واحد وأنا بأؤيد هذا الهدف فأرجوا لكم التوفيق".

ويرد الإرهابي علاء الظاهري: "أنا عايز بس أتبين من الأمر هو الدكتور محمود من الداعيين للحراك" ليقاطعه وهبه: "لا أنا من الداعمين للحراك أنا داعم واحنا عملنا مجموعة ستدعو".

وتابع وهبة: "الأخ يامن هو بيسأل احنا هننزل نعمل ايه دا كلام ميتقالش على العام احنا في مرحلة لابد أن احنا نركز على الاتصال بالداخل ميزة مؤتمر المناخ أن الحكومة مشغولة بمسائل أمنية أخرى ودا وقت أضمن وأقل خطرا لو تمكنتوا من النجاح هتلاقوا أبطال

وواصل: "عايز أقول لكل الناس اللي بتدعوا للنزول والناس اللي بتدعوا لثورة المفاصل احنا موافقين على أي حراك في أي وقت مهما كان شكله سواء تاريخ 4-6-11 نوفمبر احنا هنؤيد واي واحد فيكم واللي معاه نبله وهيشتغل بيها احنا موافقين".

وعلق موسى على التسريب الذي تحدث خلاله رجل الأعمال الهارب مشيرا إلى أنه ليس خبيرا اقتصاديا كما يدعى ولكنه أحد قادة المليشيات الإرهابية.

وواختتم: "شوف محمود وهبة هو مع أي حاجة الخونة دول يعملوها وبيكلم الإرهابي علاء الظاهري وبيقولك حتى اللي معاه نبله يعني ليس لديه مانع في استخدام السلاح؛ محمود وهبة اللي بيقول على نفسه خبير اقتصادي واضح أنه واحد قائد للمليشيات الإرهابية الخائنة لمصر".