مصطفى بكري للحكومة: "بالراحة على الناس عايزين نشوفهم بيشتكوا ليه؟"
طالب الإعلامي مصطفى بكري الحكومة والجهاز الإداري للدولة بمراعاة مصالح المواطنين خلال اتخاذ القرارات وقياس اتجاهات الرأي العام للتأكد من رضا المواطنين.
وقال بكري خلال برنامج "حقائق وأسرار" المذاع على قناة "صدى البلد": "احنا اللي جبنا الرئيس مش هو اللي فرض نفسه علينا قلناله تعالي ويافندم احنا محتاجينك للمرحلة دي وعارفين أن الحمل تقيل عليك وأنك هتنتقد ولكن ده قدر المقاتلين".
وأضاف: "الرئيس جه وقبل المسيرة وماشي وبنشوف كل يوم انجاز؛ لكن ده مش معناه أن الجهاز الإداري كله كدة احنا بنشوف حاجات تخلي الناس تفلت وتحتقن؛ براحة على الناس احنا صبرنا 13 سنة على مشاكل ساعدوا الرئيس أنه يعدي".
وتابع: "احنا وطن مستهدف الأن واحنا صف واحد بغض النظر عن التباين في وجهات النظر لازم نتكلم كلنا لأن الرأي اللي بقوله يمكن يطلع صح او يفيدك لازم نسأل نفسنا ليه الناس بتشكي؛ الناس ممكن تستحمل حاجات كتير ولكن متجيش تطهق فيها أنا عايز حالة من التراضي والاحتواء ونطبطب عالناس ونقولهم البلد فيها أمل".
وواصل: "وجهات النظر الأخرى عامل مهم لصانع القرار وفي أنظمت لو سمعت الرأي الاخر مكانش حصلها اللي حصل؛ مشروعات بتتم تشكر كدولة وحكومة وقيادة سياسية ولكن في حاجات من حقنا أن نقول دة صح ودا غلط؛ النهاردة لما نشوف ارتفاع في الأسعار بهذا الشكل طيب ليه؟".
وأكمل: "عندي خلل في الرقابة والأسواق ولازم يكون في أليات للمواجهة وقياس للرأي العام في كل حاجة أنتوا عارفين أن بلدنا مستهدفة أنتوا فاهمين أن الاخرين مش نايمين على عنيهم؛ طيب تعالي هنا مانت لو جدع تعالي هنا واتكلم لكن من برة بيشغلك ظابط ويقولك أعمل وأعمل".
وأوضح: "أنت مالك ومال البلد سيبنا في حياتنا؛ دا اللي يوريكم أن في أجندة بتتنفذ وتحريض مقصود بيه البلد؛ راجوا تاريخ مصر كل ما البلد يبقي فيها مشروع لأنها تتقدم يضربوه؛ محمد علي 1840 وعبد الناصر في 1967 وعبد الفتاح السيسي كل يوم مؤامرة".
وواصل: "هما متغاظين من مصر لأن احنا اللي أسقطنا مشروع الشرق الأوسط الكبير والقيادة السياسية اللي بتحكم الأن هي اللي حملت على عاتقها انقاذ المنطقة مش بس انقاذ مصر من مؤامرة كانت تعد لها عبر قوى عديدة وعندهم أداة هنا اسمها الاخوان عشان كدة بيلقطوا أي فرصة".
واختتم: "هناك من هم بالدخل وفي مؤسسات حكومية منتمون أو محبين لجماعة الإخوان في شخصيات وقيادات يهمها تضرب من على جنب كدة وأنا كشفت للوزير كامل الوزير أن في 450 واحد أخواني منهم نائب رئيس السكة الحديد اللي اسمه فلان الفلاني وقالي أيوة الكلام ده صحيح".
