أحمد موسى يوجه نصيحة للمواطنين: اللي عنده عربية يحافظ عليها

علق الإعلامي أحمد موسى، على الارتفاع الكبير لأسعار السيارات وقطع غيارها، قائلا إنه لا يوجد في السوق المصري سيارات جديدة في الوقت الحالي. 

وأضاف موسى خلال برنامج "على مسؤوليتي" المذاع على قناة "صدى البلد": "حوار النهاردة أزمة كبيرة، أزمة قطع الغيار وأزمة السيارات والكوتش، ياريت في عربيات جديدة مفيش، دانت عايز واسطة النهاردة عشان تلاقي كاوتش وكله بيتاجر وبيستغل الموقف".

واستكمل: "مفيش حد النهاردة مبيتكلمش عن موضوع العربيات، اللي عنده عربية النهاردة يحافظ عليها، ممكن تبيعها غالي جدا وتكسب فيها، لسه صديق بيقولي أنا كنت عارض عربيتي بـ 250 ألف وبعتها النهاردة بـ 420 ألفا ومش لاقي عربية ولو هيلاقي غيرها هتكون بـ 600 ألف".

وتابع: "اللي معاه عربية النهاردة يحافظ عليها، الازمة بقت عربيات وقطع غيار وكوتش، أنك تلاقي كوتش أقعد دور وشوف الأرقام، كان بـ 7 ألاف وصل 11 ألف جنيه للفردة الواحدة وبقي الموضوع معدي بجد وعندنا مشكلة كبيرة".

وشهدت مصر زيادة كبيرة في أسعار السيارات وقطع غيارها مع نقص المعروض بالإضافة للتحول إلى الاعتمادات المستندية بدلا من مستندات التحصيل نتيجة نقص الدولار الناتج عن الأزمة التي تضرب الاقتصاد العالمي. 

وأكد تجار سيارات انخفاض حجم السيارات المصدرة للسوق المصري خلال الفترة الحالية، نتيجة اتجاه بعض شركات السيارات العالمية توجيه حصة مصر إلى أسواق أخرى لحين استقرار إجراءات الاستيراد.

وأشار خالد سعد الأمين العام لرابطة مصنعي السيارات في تصريحات سابقة إن سوق قطع غيار السيارات شهد زيادات سعرية تتراوح بين 10 ـ 30%.

وأوضح أن هذه الزيادة سببها استمرار اندلاع الحرب الروسية الأوكرانية مما انعكس على سلالات الإمداد للسوق المصرية خلال الفترة الأخيرة وأن تفاقم الأزمة تسبب في نقص المعروض من قطع غيار السيارات، خصوصًا الفئات الجديدة بينما الطرازات القديمة أقل تضررًا، نظرًا لوجود مخزون قليل لدى المستوردين يكفي شهرا كحد أقصي.

ولفت أنَّ أسعار الشحن البحري ارتفعت لتسجل 9 ـ 10 آلاف دولار حاليًا، مقابل 2500 دولار للكونتينر الواحد، وبعض الحاويات كانت تسجل 3500 دولار للحاوية الواحدة وأصبحت ما بين 13 ـ 14 ألف دولار حاليا.