محمد الباز عن الإقبال على فيلات الساحل الشمالي: ناس تعبت ومعاها فلوس
علق الدكتور محمد الباز؛ على الإقبال الكبير على شراء
فيلات في أحد مشروعات الساحل الشمالي والتي يصل سعرها إلى 115 مليون جنيه.
وقال الباز خلال برنامج "أخر النهار" المذاع
على قناة "النهار": "اليومين تلاته اللي فاتوا ناس بتتداول صور عن
أحد مشروعات الساحل الشمالي؛ المشروع طرح 300 فيلا والأسعار الناس اللي بتتداولها
ما بين 105-115 مليون للفيلا".
وأضاف: "الـ 300 فيلا يعملوا تقريبا 34 مليار
واتحجزو؛ دا خبر يتم التعامل معاه ازاي؛ مصر زيها زي أي دولة أخرى فيها مواطنين
معندهمش دخل أصلا اللي هما الأكثر احتياجا".
وتابع: "وبعدين تفضل تدرج تلاقي أسرة دخلها ألف
جنيه و5 ألاف جنيه و100 ألف جنيه ومليون جنيه و100 مليون؛ على طول مصر فيها دة؛
فيها ناس بتدور على سكن وناس بتشتري فيلا بـ115 مليون".
وأكمل: "ناس كتير بتقول بلاش نركز على دة لأن
الأخبار دي بتزيد من الحقد الطبقي؛ وهنا لازم نقف أمام أنفسنا وكل واحد من اللي
راحت تشتري الفيلا دي تعبت وجابت الفلوس وبتعيش الحياة زي ماهي حبة ومتقدرش تنتقده
ولا تحجر عليه ولا تلوم على صاحب المشروع".
وأوضح: "أنت في الدولة اللي فيها فيلا بـ 115 مليون
أنت عملت مشروع الإسكان الاجتماعي وجبت ناس من العشوائيات وأدتهم شقق ببلاش".
واختتم: "في ناس بتركز على المشهد دة لزرع نوع من
الفتنة الاجتماعية في البلد وكأن دة أمر مش طبيعي؛ كل ما يزيد الدخل كل ما عدد
الناس في هذا المستوى بيقل؛ قوانين ربنا في الأرض وقوانين الإنسان وكل ما بتسعى كل
ما بتاخد وهي رسالة للناس اللي حاولت تشير الصور في محاولة لأن تقول إن في مشكلة".
