عمرو أديب عن بيان الأزهر: "مفيش انفتاح عقلي أكتر من كده"
علق الإعلامي عمرو أديب؛ على البيان الذي أصدره
الأزهر الشريف بخصوص ضرب الزوجات لافتا أنه بيان عظيم يحتوي على انفتاح عقلي كبير.
وقال أديب خلال برنامج "الحكاية"
المذاع على قناة "أم بي سي مصر": "صدر بيان من الأزهر الشريف يبين
عظمة المؤسسة العظيمة ومدى قدرتها على استيعاب كل تغيرات العصر وأهمية البيان بالنسالي
أنهم قالوا وقفوا برنامج عمرو أديب طيب ليه؟ أصلة أتكلم عن الأزهر".
وأضاف: "اتكلمنا عن مولانا شيخ الازهر
باحترام فيأتي الأزهر اليوم عشان يقول للمجتمع المصري تعالوا نصلح ونشوف هنعمل
ايه؛ بيان الأزهر بيأسس فيه مبادئ فكرية عظيمة والأزهر بيقولنا 3 حاجات مهمة جدا
في البيان؛ واحد أن الضرب مباح اثنين أن هذا المباح يستطيع أن يقيده ولي الأمر
ثلاثة فلنتحدث ونتكلم ونشوف ايه الحكاية واية الموضوع".
وتابع: "الضرب مباح بقيود لأسباب ودا
اللي الأزهر بيقوله وهذا المباح يتم استخدامه بشكل خاطئ ويحق لولي الأمر تقييد
المباح ويمد الأزهر يده إلى المجتمع وبيقولكم تعالوا نتكلم نشوف موضوع الضرب دة
بشكل عام".
وواصل: "مفيش انفتاح عقلي أكتر من كدة؛
المهم بقي من سيضع يده في يد الأزهر؛ مش أنا أنا عملت اللي عليا وهناك مؤسسات
منوطة بهذا الأمر المجلس القومي للمرأة مجلس النواب مجلس الشيوخ القيادات العليا
في الدولة المفكرين؛ كان ممكن الأزهر يقولك هذا مباح ومذكور في القرأن".
وأكمل: "الأزهر بيمد أيه بانفتاح فكري
وعقلي أنا منبهر بالبيان؛ هل من حد على هذا المستوى وأنا هعيد الجملة اللي ناس
كتير زعلت منها أعملوا قوانين زي مانتوا عايزين اتكلموا على الدستور زي مانتوا
عايزين يظل الغالبية العظمي من المواطن المصري تأخذ سلوكها وشرعها من الأزهر
الشريف".
واختتم: "بص لعموم المصريين لأن المصري
عنده ثقة في الازهر وفي النهاية متجيش تقولي في قانون بيقول متضربش ولو دة غير عقل
10% من الرجالة اللي بتضرب ستاتها كل يوم لو دة واحد ابتدأ يرتدع أو يرجع؛ من ضمن
الحشو انه اكسرلها ضلع ولازم تتأدب".
