شاهد عيان يكشف كيف حاول إنقاذ قتيل الإسماعيلية

كشف إسماعيل؛ وهو شاهد عيان على جريمة الإسماعيلية تفاصيل الواقعة ومحاولته إيقاف القاتل ومنعه من إتمام الجريمة.

وقال إسماعيل في مقابلة مع برنامج "تفاصيل" المذاع على قناة "صدى البلد2": "أنا أتفاجئت أن واحد بيصرخ وغرقان في دمه والتاني بيضربه بالساطور فدخلت عليه وقلتيه يا ابني هتضيع نفسك؛ هتضيع نفسك مرتين كدة".

وأضاف: "قالي ياعم الحج ابعد انت؛ قلتله هتضيع نفسك قالي ياعم الحج دا اغتصب أمي واختي؛ وانا ببص عليه عنيه مفيهاش مخدرات ومش سكران ولا مغيب ولسانه بيتكلم عادي".

وتابع: "لما قالي كدة خلاص الحماس اللي جوايا راح؛ وكل اللي بيقوله يا عم الحج ابعد انت؛ وانا كنت ماسك العجلة ولو حاول يضربني كنت هضربه بيها لكن هو محاولش يضربني".

وأكمل: "كان معاه ساطور كبير وأنا كان عيني عليه وعلى الساطور؛ ولو كان حاول يضربني كانت هضربه بالعجلة وأنا مشيت بعد ما قالي اغتصب أمي واختي".

واختتم: "هو ملمسش العجلة؛ ودا عمر التاني ولو كان لمس العجلة فعلا كنت هضربه وكانت الناس هتدخل وهو شاب شكله ميعملش الحاجة دي وكان شكله طبيعي وأقنعني أني أمشي من قدامه لما قال كلمة أمي والتاني دة نصيبه أن هو يموت".