زاهي حواس يكشف أسباب طرده بيونسيه أثناء زيارتها للأهرامات

كشف الدكتور زاهي حواس؛ وزير الأثار الأسبق أسباب طرده للمطربة الأمريكية بيونسيه حين كانت في زيارة إلى الأهرامات.

وقال حواس في مقابلة مع برنامج "نظرة" المذاع على قناة "صدى البلد": "الطرد حدث بيونسيه وهي أشهر مطربة في العالم وهي طلبت تقابلني وقابلتها ووقفنا نتكلم وكان معاها حارس ومصور وأنا معايا بنت أمريكية بتصور".

وأضاف: "البنت الأمريكية كانت بتصور والحارس بتاعها زقها وراح واخد الكاميرا ورماها في الأرض وأنا اتجننت قلتلهم أنت وهي برة ولقيت برة 50 صحفي قالولي رأيك فيها اية قلتهم غبية".

وتابع: "اتضح أن الست دي عندها شهرة طاغية والحادث موجودة على الانترنت وأما رحت أسبانيا قبل الكورونا الصحفيين كانوا بيسألوني عن الموضوع أنا طول عمري زي القطر أنت بتشتمني اشتم وبتكتب ضدي اكتب".

واختتم: "زمان أيام 2011 لقيت الاهرام كاتبين كلام فظيع ضدي وأنيس منصور كلمني قلتله أنا مضايق قالي ولا يهمك بص على الكتب اللي كتبتها لو حطيتها فوق بعض هتبقي أطول من اللي بيشتمك".