مصطفى بكري عن فواتير الكهرباء الخاطئة: "ناس قافلة شققها وبيجلها آلاف"
علق الإعلامي مصطفى بكري؛ على الزيادة في
فواتير الكهرباء نتيجة القراءة الخاطئة للعدادات، لافتا إلى أن بعض المواطنين غير
موجودين في وحداتهم السكنية ومع ذلك تصدر لهم فواتير.
وقال بكرى خلال برنامج "حقائق
وأسرار" المذاع على قناة "صدى البلد": "في ناس قافلة عداداتها
وتفاجئ بألف وألفين وتلات آلاف فواتير قراءة غير صحيحة، وأرجو وزير الكهرباء أن كل
واحد يراعي ضميره واللي وبياخد 3 آلاف هيدفعهم في الماية والكهرباء طيب هيعيش
إزاي".
وأضاف: "دي مسألة مهمة جدا موضوع
الكهرباء لازم نراعيه وتبقي التقديرات صح واللي قافل شقته ميجيش له فاتورة واحنا
ماشيين في السكة بنلاقي قضايا فساد من هنا ومن هناك".
وتابع: "عايز أحيي جهاز الرقابة
الإدارية الرجال اللي بيشتغلوا وبضمير وطني حقيقي ومبيهمش حد البلد دي بلد الشعب
المصري والبلد دي بلد دستور وقانون".
وأوضح: "الرقابة الإدارية زي الرئيس ما
قال واتكلم عن أشكال الفساد المالي والإداري لما يبقي عندنا أجهزة زي الرقابة
الإدارية والجهاز المركزي للمحاسبات دا يدينا أمل".
واختتم: "لما يطلع النائب العام يقول في
قضية فساد في وزارة الصحة يبقي مفيش تستر صحيح أنه طالب أن محدش يقول بيانات غير
صحيحة وإنما في فساد".
