ميمي جمال تتراجع عن الاعتزال: "هشتغل بدل القعدة"
قالت الفنانة ميمي جمال، إنها تلقت عرضا للعودة مرة أخرى للتمثيل، ووافقت على مبدأ العودة للفن مرة أخرى بعد ااعتزال لسنوات طويلة، متابعة: "بقالى فترة بعد ما ظروفى اتحسنت شوية وبناتي كل واحدة بقت في بيتها وأنا لقيت إنى ممكن اشتغل بل ما قاعدة فاضية".
وتابعت ميمي جمال، في مداخلة هاتفية لبرنامج "مساء dmc" مع الإعلامية جاسمين طه، عبر قناة dmc، أن العرض الذى تلقته للعودة للفن مرة أخرى، عبارة عن مسلسل، لكنها اعترضت على الدور، قائلة: "ماكنش عندي مانع ولكن الدور بالنسبة لي مش هو اللى أرجع بيه بعد سنوات، أنا بالنسبة لى مستنية فرصة أحسن من دي شوية".
وأضافت الفنانة ميمي جمال: قائلة: "أنا بحب التمثيل جدا، وتحسي إن السمكة اللى خرجت من المياه عايزة ترجع تاني ليها، عايزة دور يبقى مؤثر أكتر وأبقى موجودة في صلب الموضوع وعايزة أبقى في مكاني".
