أحمد موسى يطالب الحكومة بإعلان حقيقة الوضع الوبائي في سوهاج
علق الإعلامي أحمد موسى؛ على زيادة إصابات فيروس كورونا بمحافظة سوهاج
والمطالبات بفرض حظر التجوال لحين تحسن الأمور.
وقال موسى خلال برنامج "على مسؤوليتي" المذاع على قناة
"صدى البلد": "في ناس بتقول الحقونا الإصابات كتير وناس بتقول مفيش
حاجة وناس تانية بتقول عندنا شوية مشاكل".
وأضاف: "هو الوضع عندنا إيه؟ كارثي والا زي العالم؟ عندنا انتشار
كبير لأن مفيش التزام ويوميا بنحذر الناس والمفروض الناس تبقي عارفة".
وتابع: "الناس بتطالب بحظر تجول في سوهاج؛ نعمل حظر فين؟ في
القرى يعني هنمنع المواطن يروح الغيط بتاعه ازاي؟ وبالنسبة للناس اللي هتقعد في
بيوتها مين هيأكلهم".
وواصل: "أتمنى أن يصدر بيان واضح من الحكومة يوضح لنا الحقائق
بخصوص انتشار الوباء عليهم أن يخبرونا هل هناك انتشار للفيروس أم لا".
وأوضح: "وزيرة الصحة تعقد اجتماع حاليا وتناقش الوضع في سوهاج
وتتأكد من توافر المستلزمات الطبية والأسرة في المستشفيات".
واختتم: "يوميا نجد مسؤول يصرح فيخرج أخر لتكذيبه ويخرج ثالث
ليكذبهما؛ يجب أن تخبرنا الحكومة وتطمئن المواطنين".
