متحرش الجامعة الأمريكية.. شهادات صادمة عن اتهام شاب باستغلال 50 فتاة

بدأت القصة عندما اتهمت مجموعة من الفتيات خلال تغريدات "أ. ز" الشاب الذي يدرس في الجامعة الأمريكية بالتحرش بهن وابتزازهن إذا لم يلبين طلباته الجنسية.

واتهمت أخرى الشاب قائلة: "سبق وتحرّش بي، وطاردني وهددني مئات المرات، وفي إحدى المرات، وهددني بإخبار والداي، لكني لم أفعل ذلك، فقط أراد تهديدي كي أخضع له ولمطالبه الجنسية". 

واتهم حساب باسم حنين طنطاوي الشاب بالتحرش بها قائلة: "اتحرش بأكتر من 50 بنت وهدد بنات تانية كتير واغتصب أكتر من بنت وفيهم بنات كان سنهم 14 سنة.. بيتحرش ببنات بقاله أكتر من 5 سنين ولسة مش بيبطل لأن معندناش قانون رادع يخوف المتحرشين ولا عندنا ثقافة تحمي البنات وتخليهم مش خايفين يدافعوا عن نفسهم.. مش سهل أن أي بنت تحكي قصة تحرش أو اغتصاب فمن فضلكم متنسهومش ومتنسوش اسمه وانشروا الموضوع في كل مكان وفي كل دوايره".

وزعمت مغردة تدعى "نورا": "عشان بنات كتير اتكلمت ولاقوا نتيجة لكلامهم، بنات تانية اتشجعت النهاردة تفضح متحرش ومغتصب تاني..  

أحمد اغتصب وتحرش واعتدى جنسيًا على ما يقرب من الـ100 بنت بالأدلة والسكرينز، دمر حيوات بنات، ومازال بيمارس حياته بشكل طبيعي وعايش وسطنا عادي كدة".

وأضافت: "أحمد خريج الauc، من سنتين بنت فى جامعته نزلت بوست تقول أنه اتحرش بيها وبنات كتير قالت وأنا كمان، بس كالعادة صحابه دافعوا عنه عمياني ولأننا في مجتمع لو شاب قال على بنت إنها شمال الكل بيصدقه حالًا، لكن لو 100 بنت قالت على ولد أنه متحرش الكل بيطلب دليل، خرج منها".

واستكملت: "من يومين بنت اتكلمت أنه اغتصبها، وشكرًا للسوشيال ميديا اللي بتساعدنا صوتنا يوصل لبعض، بنات تانية اتشجعت وحكت اللي حصلها المواضيع اللي زي دي قد م الكلام فيها مؤذي للغاية ولكنه ضرورة لابد منها، لازم نسمع ونشوف اللي بيحصل حوالينا، لازم نعرف المتحرش والمغتصب ولازم يتفضح.. ليه لازم يتفضح؟ عشان أي حد لا قدر الله اضطر يتعامل معه بعدين، يبقى عارف ويخلي باله .. عشان لو كانت البنت اللي اتكلمت من سنتين انه اتحرش بيها اتصدقت، مكانش بقى فيه فوق الـ 100 ضحية حياتهم اتدمرت".