"شائعات للتعتيم على الإنجازات".. تعليقات نارية لعمرو أديب على فيديوهات الهارب محمد علي

علق الإعلامي عمرو أديب، على مقاطع الفيديو التي بثها الهارب محمد علي.

وقال أديب في تصريحات تلفزيوينة: "فيديوهات محمد علي أصبحت مادة مملة ومعادة وكلام مرسل ليس به تجديد.. ومثل هذه الشائعات تستهدف الرئيس والمؤسسة العسكرية للتعتيم على الإنجازات التي تحدث في مصر".

 وأضاف: "فيه ضرس شديد في البلد اسمه الجيش لازم يتلخلخ بالمؤامرات والشائعات"، متابعًا: "الشائعات تُحارب بالمعلومات، إتعلمنا لما تيجي قدامنا معلومة نتأكد منها ونحقق فيها ودي أساسيات العمل المهني الصحفي، اللي شغالين على الفيديوهات بتاعته قنوات مكملين والشرق والجزيرة بجانب التايم البريطانية ومفيش حد فيهم اشتغل على الموضوع صحافة".

وتابع: "مش عيب تنجموا واحد حرامي وحشاش ونهد البلد على اللي فيها، لو عايز تهد حد أو مؤسسة إشتم فيها، المؤمن لا يُلدغ من الجحر 40 مرة، يولع محمد على ووائل غنيم اللي بيتكلموا من بره، إحنا اللي قاعدين في البلد سواء فقراء أو أغنياء واحنا اللي نحافظ عليها".

وأوضح: "محمد علي استلف فلوس من البنوك وعليه التزامات تجاه شركاؤه وعائلته والحنفية اتقفلت عليه يخرج بره البلد بعد ما يبيع حاجته ويكشف الفساد، معتقدًا أنه "محمي ومحدش هيقرب ليه، يا محمد البلد دي شديدة وعصية وعنيدة، وارد يكون في مشاكل في البلد، زي ما بيحصل في أي حتة في العالم، فيه دولة وفيه رقابة وضبط وربط دلوقتي التافه ده نرد عليه ولا لأ، البلد فيها الأهم من الرد على دول".

وتساءل مقدم برنامج الحكاية: "هوّ بعد محطات الكهرباء والمياه والمدارس وحاملات الطائرات وحملات فيروس سي والسكك الحديد البلد بقى فيها فلوس تتسرق، البلد دي بعد شهرين في الغربة بتشتاق لترابها، إحنا البلد الوحيدة اللي بيطلب ناسها اللي بره تندفن فيها بعد مماتها".