عمرو أديب: «هي مصر ناقصة صبري نخنوخ أو مجموعة نخانيخ.. اللى غلط لا زم يتحاسب»
أوضح الإعلامي عمرو أديب أن هناك قطاع عريض من المواطنين ظنوا أنه يتم الإفراج عن نخنوخ بعد القبض عليه، وسيتم إخلاء سبيله سريها، لكن صدر قرار بحسبه، لافتا «هي مصر لما تعوز تعمل حاجة محتاجة صبري نخنوخ؟.. هي الدولة دي ناقصها صبري نخنوخ أو مجموعة نخانيخ؟.. التخيل بتاع المواطن المصري للأشياء فيه مشكلة كبيرة»
عمرو أديب: لو صبري نخنوخ غلط لازم تتعاقب
وتابع: «فيه سؤال محدش سأله.. الناس كلها بتحكم على اللي حصل من خلال وجهة نظرها في الراجل، وإن كان دخل السجن قبل كده أو حصل على أحكام.. الأمر المهم إنك لو غلطت تتعاقب، ولو ما غلطتش ما تتعاقبش، لكن العقاب مش بالسمعة».
عمرو أديب: هي مصر واقفة على نخنوخ
وأوضح عمرو أديب أن صبري نخنوخ لو غلط لا بد من حسابه وسجنه لكن لو لم يفعل شيئا لا بد من خروجه، لكن ليه كلنا فجأة نبقى قضاة؟.. وأنا كلامي عن الواقعة دي تحديدًا.. وناس قالت إن فيه وقائع أخرى.. لو هو مدان فيها لا ينفع تبقى زيادة ولا أقل.. لو أخطأ يُدان، ولو لم يخطئ لا يُدان.. الأمر مش بالسمعة ولا بالبلطجة"
واختتم قائلًا: «هي مصر واقفة على نخنوخ؟.. ولا من غيره مش هتعرف تعيش؟.. ليكن هذا الأمر إثباتًا أن هناك حقوقًا».
