الثلاثاء 18 يونيو 2024 الموافق 12 ذو الحجة 1445
رئيس التحرير
شيماء جلال
عاجل
أخبار

عمرو أديب يطالب بوقف تخفيف أحمال الكهرباء هذا الأسبوع

أرشيفية
أرشيفية

طالب الإعلامي عمرو اديب؛ الحكومة بوقف تخفيف أحمال الكهرباء أو تقليلها خلال الأسبوع الحالي نظرا لموجة الطقس الحار الذي من المتوقع أن تشهده البلاد خلال الفترة المقبلة.

وذكر أديب خلال برنامج "الحكاية" المذاع على قناة "أم بي سي مصر": "درجات الحرارة من هنا إلى السبت الجاي صعبة جدا؛ هل ممكن أطلب من السيد رئيس الوزراء أنه يستثني هذا الأسبوع من قطع النور؟ هو طلب غريب ولكن الرحمة فوق لعدل الجو صعب وفي ناس تعبانة وناس حياتها صعبة".

وأضاف: "الأسبوع ده لما تكون درجة الحرارة فوق الأربعين لازم تقدروا تعملوا حاجة؛ حتى بحق الفلوس اللي جات أدونا حلاوة؛ هل من الممكن منقطعش النور الأسبوع دة؟ لو هتقولي مش هقدر خلاص خليها ساعة واحدة".

وتابع: "التلاجات اللي بتبوظ والأكل اللي بيبوظ؛ الناس حالتها بتبقى صعبة أوي في الساعتين دول؛ هل من الممكن الأسبوع ده بس وأنا أوعدك هنبقي مواطنين ملتزمين هنشغل الكهرباء بالقدر الكويس".

وواصل: "لو عملت ده أنا هعمل حملة وأقول للناس خلينا نستهلك بوعي بس الكهرباء تبقى موجودة؛ أنا معرفش الأسبوع ده هيتكلف كام؟ ولكن أنت جيت قولتلي أنا بعد 30-35 أنت بتستهلك كهرباء كتير طيب والأربعين؟ نحاول نقف مع الناس الأسبوع ده فرفشة يعني أو نعنشة؛ اقعدوا احسبوها؛ احنا لو سيبنا الناس 4-5 أيام عشان الجوب صعب جدا".

وأكمل: "الساعة 3 بنبقى وصلنا لأعلى درجة حرارة؛ السيد رئيس الوزراء النهاردة كنت في بني سويف أكيد شوفت الحرارة عاملة ايه".

وأوضح: "لو مقطعوتش خالص مظنش دي هتبوظ الميزانية شوفوا كده وجربوا جائز الامر يلقي ترحيب لديكم وإذا مكانش هنعيش الأسبوع بالحر والنار كده".

وكانت الهيئة العامة للارصاد الجوية قد حذرت من موجة شديدة الحرارة على أغلب الأنحاء تستمر خلال الأسبوع الجاري وتصل درجات الحرارة بها إلى 43 على جنوب الصعيد.

أوضحت الأرصاد، عبر صفحتها بموقع التواصل الاجتماعي "فيس بوك"، أن الأجواء بداية من السبت 18 مايو 2024 من المتوقع أن تشهد طقسًا شديد الحرارة نهارًا على أغلب الأنحاء، حارًا على السواحل الشمالية، معتدلًا ليلًا على أغلب الأنحاء.