عمرو أديب يطالب بتحسين جودة الخبز السياحي: "مفيش دولة بتشتكي من مستوى العيش"

طالب الإعلامي عمرو أديب، بتحسين جودة الخبز السياحي خاصة بعد بتراجع أسعار الدقيق والاتفاق على تسعير محدد للرغيف.

انخفاض الأسعار

وقال أديب، خلال برنامج "الحكاية" المذاع على قناة "أم بي سي مصر": "إحنا كنا في أزمة طاحنة ودلوقتي بقينا في أزمة، الاقتصاد المصري بدأ يتنفس، معندكش الزنقة بتاعة إنك عايز تدبر قسط أو قلقان من توفير سلعة، الأسعار بيتم التعامل معها أنه تبتدي تنخفض، ممكن يكون في قفزات بعد كده صعب، إلا لو حصل قفزات في الدولار، ودا أمر مش وارد".

وأضاف: "المهم إنك مش تبتدي ترجع للكمية والسعر ولكن للجودة، أنا عايز أتكلم عن الجودة في الخبز أو العيش، الشعب المصري يأكل عيش، يجب أن تنظر الدولة بالاهتمام الشديد، يجب أن تهتم الدولة بمستوى الخبز الرغيف يجب أن يعود جيدًا".

وتابع الإعلامي: "إحنا دلوقتي في إطار إننا بنعود مرة أخرى للنظر إلى الكواليتي، الكواليتي بتاعت العيش مهمة جدًا، واللي بطلب الناس اللي بتنتج العيش تنتج عيش جيد لإن هذا الأمر فارق جدًا مع المواطن، يجب رقابة هذا الأمر بشكل مهم".

الجودة والأسعار

وواصل: "يا جماعة شوية جودة، الأسعار خلت التجار ينقصوا جودة حاجات كتيرة، لازم نرجع تاني إنه يبقي فيه جودة للمواطن، الحاجات دي بديهية، ومفيش حد في المنطقة حوالينا عنده عيش وحش، أنا عايز آخد رغيف أعرف أكله مؤخرًا، طعم العيش وشكل العيش ليس كما ينبغي".

وأوضح أديب: "الدولة بتجيب دقيق محترم بسعر جيد، وأنت واخد السعر اللي إنت عايزه، إحنا عايزين نبتدي نرجع تاني، قليل أوي الناس اللي بتكلم عن الجودة، الجبنة في ماركات كثيرة ليست بنفس الطعم الألبان في ماركات كثيرة ليست بنفس الطعم".

وواصل: "قليل أوي من المطاعم السندوتش فيها محترم، لازم نرجع تاني للجودة يا جماعة، طيب ماشي عندنا ظروف بتخلي الكهربا تتقطع، ومش عارف إيه، ولكن في النهاية الأكل اللي ولادي بياكلوه أقدر أقول إن مستوى الخضار والفاكهة جيدة، ولكن إحنا عايزين ناخد عيش، أنا من مدمنين العيش وبقف في الشارع اشتري عيش وأنقي عيش".

وذكر: "طبعًا مسألة السعر مهمة، وطبعًا إن النهاردة نبتدي نشوف أن أسعار الخبز السياحي نزلت فعلًا زي الدولة ما بتقول".

واختتم أديب: "الأمهات في البيتوت بيشتكوا من الرغيف الفينو، ده إنه بعد شوية مبيتفتحش، إنت واخد حقك وسعرك راضي ودقيقك تمام، لو سمحتم الكواليتي الجودة مع مشكلة الأسعار قلت مفيش دولة بتشتكي من مستوى العيش".