الثلاثاء 28 مايو 2024 الموافق 20 ذو القعدة 1445
رئيس التحرير
شيماء جلال
عاجل
أخبار

بسبب شروط العقد.. خيري رمضان يطالب بالتحقيق في التعاقد مع فيتوريا

روي فيتوريا - المدير
روي فيتوريا - المدير الفني للمنتخب الوطني

طالب الإعلامي خيري رمضان؛ وزير الرياضة الدكتور أشرف صبحي بتشكيل لجنة للتحقيق في التعاقد مع المدرب البرتغالي روي فيتوريا؛ المدير الفني للمنتخب الوطني.

وقال رمضان خلال برنامج "مع خيري" المذاع على قناة "المحور": "ايه اللي حصل في الكابتن فيتوريا مدرب المنتخب المصري صاحب الـ 200 ألف يورو؛ واضح أن اتحاد الكرة بيحاول يتفاوض معاه؛ والنبي يا عم فيتوريا بما أنك فشلت قلل لنا الشرط الجزائي وهنا انا مذيع مضيت عقد مع القناة وتخيلوا القناة بتقولي لو أنت فشلت يا خيري في برنامجك هنمشيك بس هنديك مكافئة 3 شهور طيب لو نجحت؟ هنديك 3 شهور".

وأضاف: "طيب لو فشلت مين يدفع لمين؟ لو كان الفاشل فيتوريا اللي خلي شكلنا عرة في كرة القدم هياخد 3 شهور وإلا لو اتأخرنا شوية هياخد لحد سنة 2026 أكتر من 8 مليون يورو".

وتابع: "مين اللي مضى العقد مع فيتوريا ومين اللي راجع العقد القانوني؛ مش هقول مين اللي بيدفع عشان سيادة الوزير قال اللي بيدفع الرعاة؛ طيب الرعاة بيجيبوا الفلوس منين؟".

وأوضح: "في قايمة المدربين؛ في بيسرو كان بيدرب الأهلي ودلوقت بيدرب نيجيريا؛ بياخد 70 ألف دولار يعني حوالي 60 ألف يورو في الشهر واللي جابنا ورا بياخد 200 ألف يورو مين اللي مضى العقد وراجعه؛ مدرب كاب فيردي بياخد 9 ألاف دولار ومدرب المغرب بياخد 70 ألف دولار".

وأكمل: "هو احنا دولة خليجية يا جماعة؟ هو البترول بيطلع تحت البيوت عندنا؟ احنا ليه بنجيب ناس زي دي بالمستوى دة ويجوا عندنا يطمعوا في الفلوس؛ مين اللي قالهم أن احنا ميغة؟ اتحاد كرة القدم وأنا أطالب بشكل واضح من الدكتور أشرف صبحي وزير الشباب والرياضة؛ يا سيادة الوزير شكل لجنة علنية تعلن النتائج على الشعب".

وذكر: "مين اللي كتب العقد؟ ومين اللي راجعة ومين اللي وافق على الشروط التعجيزية لصالح المدرب وليس فيها حاجة لحق المنتخب وهل في عمولات وفلوس تحت الطرابيزة؟ مين اللي خدها؛ شكل لجنة وأعلن الحقيقة الفاسد يتحاسب واللي ومش فاسد وجاهل يروح".

واختتم: "تسيبونا كده نقرا اخبار في الشارع؛ فيتوريا أصل بيحاولوا معاه وقالوله يا حزومة أتكلم معاه يا حزومة أثر عليه والراجل يقول أبدا أنا هاخد عقدي".