السبت 22 يونيو 2024 الموافق 16 ذو الحجة 1445
رئيس التحرير
شيماء جلال
عاجل
أخبار

مصطفى بكري: "لو أجلنا التغيير الوزاري الناس هتحبط في الشارع"

الإعلامي مصطفى بكري
الإعلامي مصطفى بكري

أكد الإعلامي مصطفى بكري؛ أن الرئيس عبد الفتاح السيسي؛ أن الشعب المصري يحتاج إلى تغيير وزاري في الأوجه والسياسات مشيرا إلى أن البطء في اتخاذ القرارات تعد مشكلة.

وقال بكري خلال برنامج "حقائق وأسرار" المذاع على قناة "صدى البلد":" احنا يا فندم محتاجين التغيير؛ احنا املنا فيك كبير أنت مرجعتينا وأنت الأساس وأنا بخاطبك من قلبي وأنا تاريخي يشفعلي أنا لا شمال ولا يمين أنا بقول اللي جوايا في ناس هتزعل اللي يزعل يزعل".

وأضاف: "دي مصلحة مصر مصلحة الشعب الغلبان والناس اللي بتعاني والناس اللي بتقول ايه يا جماعة احنا لسة طالعين من الانتخابات الرئاسية تجيبولنا عشرين سلعة ورا بعض كدة طيب هتعمل ايه الناس؟ عشان كدة الاستراتيجية الاقتصادية الجديدة اللي أعلنت السنة اللي فاتت نتمنى أن متبقاش حبر على ورق".

وتابع: "الست سنوات دي الناس متفائلة بيها ونتمنى أن نشهد خلال الفترة المقبلة حكومة جديدة بمعني الكلمة؛ إذا كنا هنبقى على وزير أو اتنين أو تلاتة أنما لا كفاية أنت خدت حظك وعملت شغلك بس سيب الدماء تتجدد وأي حد بعد فترة محددة خلاص مش قادر".

وواصل: "احنا في ست سنين جديدة عايزين من يحنو علينا يا سيادة الرئيس؛ أحنا بنحبك ومقاتلين لاختيارك بس في ناس بصراحة لا يصح أنها تستمر؛ اللي أنا بتمناه أن في الفترة القادمة نغير في حتت تستحق التغيير في ناس عملت شغل وأدائها رفيع المستوى ولكن دائما في الحركة بركة والتغيير بيجدد أمور كثيرة".

وأوضح: "هل يعقل يا فندم لحد دلوقت محافظة البحيرة بدون محافظ؟ هو ايه اللي بيحصل؟ البطء في اتخاذ القرار دة مشكلة؛ أنا دلوقت خارج متحمس من انتخابات رئاسية انا لو أجلت التغيير لشهر أربعة أنا هأحبط في الشارع بسلطة رئيس الجمهورية يحدث التغيير الوزاري؛ بس مش تغيير في الافراد ولكن في السياسات أيضا".

وذكر: "لما نقول الكلام ده احنا أبناء الدولة المصرية وداعمي السيد الرئيس فالكلام في مصلحة الوطن الكلام لا يراعي إلا مصلحة الوطن لا احنا طرف في صراع ولا مشكلة أو غيره  احنا أبناء الشعب المصري اللي لسة مرتبطين بالناس".