الثلاثاء 18 يونيو 2024 الموافق 12 ذو الحجة 1445
رئيس التحرير
شيماء جلال
عاجل
أخبار

بعد حديثهم عن المصالحة مع الدولة.. نشأت الديهي يفضح ألاعيب "الإخوان"

الإعلامي نشأت الديهي
الإعلامي نشأت الديهي

علق الإعلامي نشأت الديهي على تصريحات القيادي الإخواني حلمي الجزار حول رغبة الجماعة الإرهابية التصالح مع الدولة والدخول في حوار دون شروط والابتعاد تماما عن العمل في السياسة.

وقال الديهي خلال برنامج "بالورقة والقلم" المذاع على قناة "تن: "هفكركم بس بسطر؛ الفترة اللي جاية فترة انتخابات وفترة شغل حقيقي ولكن أنا قلت الإخوان وما يقومون به نحن له بالمرصاد".

وأضاف: "الأسبوع اللي فات حلمي الجزار قال المصالحة واحنا نيجي ومفيش شروط واحنا جماعة دعوية واحنا ناس طيبين".

وتابع: "حلمي الجزار محسوب على جبهة لندن اللي هي عبد الحق وإبراهيم منير والجبهة دي بتلعب سياسية؛ ولكن محمود حسين جبهة إسطنبول رد عليه ومش هيسيبه وقالوا إن احنا لا مصالحة ولا عايزين مصالحة وده انقلاب".

وواصل: "حلمي الجزار قال حوار مع النظام في مصر بلا شروط؛ والتاني قال شروط بلا أدوار؛ لو أنا قلت توزيع أدوار بين لندن وإسطنبول يبقي بديهم أكتر من حجمهم؛ دول مجموعة مرتزقة واختلفوا على الفلوس والمناصب؛ مجموعة ناس صدعوا دماغنا وضحكوا على الشعب".

وأوضح: "أيام الجامعة كان يقولك ضع ايدك بالايد المتوضئة وقالوا مشاركة لا مغالبة وكل ده سقط لما تولوا الحكم وسقط لما اختلفوا مع بعض؛ عايز تعرف صاحبك تعرفه وقت الأزمة دول لما اختلفوا مع بعض سرقوا بعض وكدبوا بعض وخبطوا في أعراض بعض".

وأكمل: "اخوان لندن واخوان إسطنبول يا قلبي لا تحزن وأوعوا تصدقوهم ولكن توقعوا منهم كل ما هو سيء وكل ما هو رديء؛ موقع عربي 21 التابع للإخوان كاتبين مشروعات السيسي للبيع؛ دافعين عشان يتنشر؛ دا لندن اللي قاعدين فيها لسة شركة إماراتية من أسبوع مستحوذة على مشروع هناك بمليون جنيه إسترليني وعندهم شركة قطرية واخدة في لندن تمويل اسطول الجو البريطاني".

واختتم: "الاقتصاد دلوقت اتغير والاستحواذ اتغير؛ لو بعنا مشروع بنقول الحمد لله في استثمار؛ كلنا عايزين العالم يستثمر عندنا عشان نفتح بيوت ناس؛ والناس بتقول مش عاوزين الدولة تدخل في القطاع الخاص".