عمرو أديب يعلق على خسارة الزمالك: "الأسكور تقيل وبايخ"

علق الإعلامي عمرو أديب على خسارة الزمالك أمام الأهلي بأربعة أهداف مقابل هدف في المباراة التي أقيمت بين الفريقين بالدوري.

وقال أديب خلال برنامج "الحكاية" المذاع على قناة "أم بي سي مصر": "مكانش في مفاجأة امبارح في مباراة الأهلي والزمالك المفاجاة الحقيقة الأسكور تقيل وبايخ وغير سعيد بس أنا شخصيا مستغربتش لأن عايز أقول لحضراتكم في فرق كبير أوي بين اللاعيب اللي امه خدته من ايده وقالتله تعالي أمضي للنادي الأهلي فانت بتشوف السنادي أفضل موسم لأفضل لعيب في مصر اسمه حسين الشحات".

وأضاف: "الراجل امبارح جاب جولين مدرسة؛ بعد أول دقيقة جول؛الناس بتكلم امبارح على الخطة بتاعة أوساريو وأصل الناس مش واقفة صح؛ الجول الأولاني مكانش ليه علاقة بحد واقف صح أو غلط

وتابع: "الكورة بتاعة شريف الحريف مكانش لها علاقة بحد واقف صح أو غلط والكورة بتاعة معلول مكانش ليها علاقة باللاعيبة واقفة صح أو غلط؛ الجول اللي عندنا دخل فيه جولين كباري الماتش اللي فات الجول كان غير طبيعي والكور داخلة فيه بشكل غير طبيعي".

وأوضح: "احنا اتغلبنا عشان سيئين وكل الناس اللي بتقولك الزمالك في الشوط التاني حاجة تاني؛ الأهلي كسبان تلاتة والخواجة قاله قفل يابني؛ منتظر إيه من فرقة تلتها بيفكر هيروح الأهلي ازاي؟ وكان باين في مشاهد والتلت التاني بيفكر هيروح فيوتشر وبيراميدز ازاي والتلت التالت بيفكر ازاي هيمشوني دي عقلية اللاعيبة اللي بتلعب القمة".

وواصل: "لعيبة الأهلي كانوا مستعدين ياكلوا النجيلة واحنا كنا مستعدين ناكل ايه؟ دي روح قتالية دي حاجة متوقع منها فرقة تعمل حاجة؟ الفانلة الزرقا دي والوهم اللي حصل لو لبسنا الفرقة الزرقا ننزل نخلي الدينا زرقا دي مش فانلة رجالة يا جماعة".

وأكمل: "انت منزل اللاعبية لا انتماء ولا إحساس؛ الماتش خلص في دكر في النادي فتح بقه؟ ولا الهوا؛ فين الدوشة والناس لا خالص امبارح مكانش في خطة مكانش في إحساس اللاعيبة شايفة الكباري اللي بتتعمل وبتروح من ورا وقدام عشان تروح فرقة تانية".

وذكر: "لاعيبة محترم زي زيزو دة يقولك أنا قاعد عشان مين؟ والراجل المدرب أنت شايف الجول بيلطم؛ أول مرة أشوف لاعيبة بيطلم في مصر؛ أنا بقولكم والأيام بينا نادي الزمالك بينتهي يا تلحقوه يا متلحقوهوش".

واختتم: "المطلوب أن الزمالك يبقي زي أي فريق في الدوري من 18 فرقة؛ احنا رايحين في سكة اللي يروح ميرجعش؛ الأهلي عنده الدكة بتاعته برة فيها فرقة تانية واحنا عندنا حد بيفكر في السحر؛ احنا اتغلبنا امبارح بالسحر؟ أنت مجتش أنت ملعبتش".