الجمعة 29 مارس 2024 الموافق 19 رمضان 1445
رئيس التحرير
شيماء جلال
عاجل
أخبار

عمرو أديب: "اللي معاه دولار مش حابب يخليه في البنك"

الإعلامي عمرو أديب
الإعلامي عمرو أديب

علق الإعلامي عمرو أديب؛ على المنشور المتداول والمنسوب للبنك الأهلي المصري والذي يشير إلى نية البنك إطلاق شهادة دولارية جديدة بعائد 10%.

وقال أديب خلال برنامج "الحكاية" المذاع على قناة "أم بي سي مصر": "في ورقة متداولة بتقول إن وديعة دولارية بعشرة في المية سنويا ومدتها 3 سنين ولو حد بيفكر في هذه المسألة ممكن أقوله ازاي يخليها أفضل".

وأضاف: "عندك انخفاض في تحويلات المصريين بالخارج انخفضت 25% واللي معاه دولار في الداخل مش حابب يخليه في البنك جذب الدولار شيء محمود؛ اللي ممكن يجب الدولار من جوة حد معاه اجنبي ومعاه إقامة ومعايش في مصر".

وتابع: "الكلام على لسان البنك الأهلي حسب الورقة المتداولة أن مدة الشهادة 3 سنوات وفئة الشهادة الف دولار والعائد لو شهري 9.85 و10% لو عائد ربع سنوي؛ ولا يجوز استرداد الشهادة قبل مضى 6 أشهر ويمكن استرادا بعد تلك المدة على أن يتم احتساب العائد وفقا للارقام".

وواصل: "يمكن الاسترداد في اليوم التالي بدون مشكلة حال الحصول على العملة بالجنيه المصري بسعر الصرف؛ أنا اللي واقف عنده حاجة أنا اديت حضرتك شهادة بالدولار أخدها بالدولار؛ هنا دي النقطة المهمة ليه محدش يكلمني عن الوطنية والاحساس بالوطن".

وأوضح: "أنا اديتك الدولار النهاردة وجه بكرة بسعر تاني جوة البنك هنعمل ايه؟ أنا عايز الدولار بتاعي وأنا أظن النقطة دي هتبقي محورية في هذا الاقتراح".

وأكمل: "أنا حطيت بالين أخد بالين أنا حطيت بالريال السعودي أخد بالريال اللسعودي أنا حطيت بالدولار أخد بالدولار؛ فكرة أن أحط الفلوس بالدولار واخدها بالمصري دة مش موجود؛ ياجماعة خدوا وهاتوا اعملوا حاجة الناس تبقى عندها حماس؛ دا رأيي جايز في ناس عندها رأي أن المصريين هيقفوا طوابير على الشهادات".

وذكر: "في نقطة كمان يجب النظر إليها؛ أنت جاي بتقولي أنا هديلك 10% أنت مفكرتش أن في ناس هتشتري دولار من برة عشان يحطه عندك؟ طيب ايه اللي هيغريه عشان يحطه عندك؟ عشان يخده ناقص بعد كدة 7%؟".

واختتم: "خليني أكون محامي المودعين؛ الناس اللي عايزة تستثمر معاك؛ اللي معاه دولار دة مش جاي يحطلك 10 ألاف دولار أكيد هيحط رقم كويس يعني خد الناس دي قوله اللي أنت لما تعوز الدولار بتاعك هتخده".