3 مطالب للطلاب المصريين في السودان من وزارة الهجرة

كتب الطالب عبد المجيد خاطر رئيس رابطة الطلاب المصريين في السودان منشور عبر الجروب الرسمى للطلاب المصريين فى السودان: "تواصلت مع وزيرة الهجرة عبر تطبيق زووم ووصلت ليها الرؤية كاملة بكل اللى بيحصل لينا هنا، وطلبت منها 3 طلبات".

وقال فى الطلب الأول: "أن الناس اللى عندها نقص فى الأكل او الشرب أو محتجزين فى مكان غير آمن يوصلهم أسرع دعم فى أقرب وقت".

أما الطلب الثاني يقول: "يتم إخلاء جميع الطلاب المصريين المتواجدين فى السودان بسبب الظروف غير الآمنه الموجودة في البلد حاليا والمتوقع استمرار الوضع ده لفتره الله اعلم لحد امتى!".

أما في الطلب الثالث: "بعد ما كل الطلاب ينزلوا نبدأ فى خطوات مع وزير التعليم العالي لعودة جميع الطلاب المصريين اللى بيدرسوا فى السودان للدراسة فى جامعات مصرية".

وقال فى نهاية منشوره: "الوزيرة على علم بكل الأحداث اللى احنا بنعيشها والوضع الأمنى وقطوعات الكهرباء وأن ممكن فى اى وقت نفقد الاتصال بالوزارة وسفارتنا فى الخرطوم.. لا تقلقوا كل التفاصيل وصلت لوزيرة الهجرة".