الجمعة 29 مارس 2024 الموافق 19 رمضان 1445
رئيس التحرير
شيماء جلال
عاجل
أخبار

مصطفى بكري: القوات المسلحة تحملت 50% من تكلفة مبادرة حياة كريمة

الإعلامي مصطفى بكري
الإعلامي مصطفى بكري

أكد الإعلامي مصطفى بكري؛ أن الدولة المصرية تعمل حاليا على إعادة بناء البلاد مشيرا إلى أن هناك إنجازات كثيرة على الرغم من الأزمة الاقتصادية الحالية.

وقال بكري خلال برنامج "حقائق وأسرار" المذاع على قناة "صدى البلد": "ما تفعله الدولة المصرية الأن هو إعادة بناء مؤسسات الدولة وإعادة بناء مصر؛ مبقدرش أنكر أن في أزمة كبيرة لكن مش عايز الناس تغمي عنيها عن كل حاجة ونرجع نندم تاني؛ البعض يقولك هي المشروعات القومية عملت لنا ايه والبعض يقول الجيش مسيطر على كل حاجة".

وأضاف: "لولا جيش مصر العظيم ما استطعنا أن ننجز ما تم إنجازه؛ ومش إنجازه زي ما بيردد البعض كباري وطرق وبس؛ لا في نهضة شاملة؛ ممكن نقول كفاية ودا عمل دلوقت وطلع قرار من مجلس الوزراء قال مفيش مشروعات قومية جديدة فيها مكون دولاري".

وتابع: "عايز أقول للناس أن الجيش المصري تحمل 50% من التكلفة الخاصة من ماله عشان نوصل للمستوي المطلوب في حياة كريمة؛ من ماله الخاص؛ جيش مصر العظيم قدم حوالي 50% من التكلفة جاب 3400 شركة وبدأ يسند ليهم الشغل ويقوم بالإشراف".

وواصل: "بص للمشاكل الموجودة بص لسيناء ومشاكلها؛ بعض الناس مستهترة باللي حصل في سيناء؟ سيناء أصبحت صفر إرهاب والقضاء على الإرهاب راجعوه؛ النهاردة صفر إرهاب تحصل عمليه والا حاجة دول بقايا؛ الإرهاب اندثر في سيناء اللي كان مطلوب تتخطف مننا".

وأكمل: "السنوات اللي فاتت كلها كانت سنوات تضحية من أجل سيناء؛ القوات المسلحة عارفة نبض الشارع المصري كويس أوي؛ وفاهمة كل حاجة كويس أوي من الجندي إلى القائد الأعلى للقوات المسلحة؛ إذا كانت القوات المسلحة شالت العبء ده على كتفتها مش عشان غاوية ده".

وأوضح: "القوات المسلحة رأت أنه بعد السنوات اللي فاتت بعد أن تأكلت حاجات كتير أوي وأوضاع أنتوا ثورتوا عليها وبدأ الجيش طرف في عملية التنمية ويعمل اصلاح وبنية تحتية جديدة ويحد من التعدي على الأرض الزراعية ويدخل في توفير مصادر المياه ومعالجة الصرف الصحي والزراعي وكلف بمهمة أنه لازم نزيد مساحة الأرض الزراعية إلى 12 مليون فدان".

واختتم: "مفيش أي ربح من المشروعات دي للقوات المسلحة ولكن هي تقدم ذلك بهد أنها تجد بلد قوي وفاعل نستطيع من خلاله عبور الأزمات؛ بعض الناس تقولك دول خدوا القطاع الخاص في رجليهم؛ ياسلام؟ لو أوكلت المشروعات دي للقطاع الخاص كنا هنشوف التلكؤ والسعي للربح".