الجمعة 29 مارس 2024 الموافق 19 رمضان 1445
رئيس التحرير
شيماء جلال
عاجل
أخبار

محمد الباز يرد على المشككين في نجاح معرض الكتاب

معرض الكتاب
معرض الكتاب

رد الإعلامي محمد الباز؛ على المشكيين في نجاح معرض القاهرة الدولي للكتاب، بعد استخدامهم تصريح مجتزأ لمدير معرض الكتاب حول أعداد النسخ التي بيعت أثناء المعرض.

وقال الباز خلال برنامج "أخر النهار" المذاع على قناة "النهار": "عايز أوري لحضراتكم تصريح منسوب إلى مدير معرض الكتاب؛ مجتزأ وقال كسرنا حاجز 3 ملايين و600 ألف زائر وبيع 200 ألف نسخة".

وأضاف: "معرض الكتاب أثبت أن مصر حينما تريد أن تنجح تحقق؛ كل مؤسسات الدولة اشتغلت على المعرض والاعلام كان شغال على المعرض؛ في ناس قبل المعرض كانوا عايزينه يفشل ولما المعرض نجح بشكل كبير من حيث الاقبال الجماهيري عليه والناس اشتركت في الفاعليات والندوات".

وتابع: "الناس اللي كانت بتقول إن المعرض دة يفشل بعد ما نجح المعرض بدأ يقولك أصل الحكاية مش بالكم يعني ايه زار المعرض 3 مليون و600 ألف ويعني ايه في 500 ندوة مش بالكم ياجماعة ومسكوا تصريح مدير المعرض أنه بيع 200 ألف نسخة".

وأوضح: "قالك أمسك بقي أنتوا بتقولوا في 3 مليون و600 ألف واحد زاروا المعرض وبعتوا 200 ألف نسخة؛ هنا بقي النية الوحشة؛ الأستاذ اسلام هو مدير معرض القاهرة الدولي للكتاب ولما أتكلم عن الـ200 ألف نسخة أتكلم عن اللي باعتهم الهيئة المصرية العامة للكتاب فقط".

وأكمل: "صفت الهيئة السنادي 3 مليون جنيه؛ الهيئة المصرية دي دار نشر حكومية؛ الـ200 ألف نسخة مبيعات هيئة الكتاب فقط كدار نشر ويجي واحد يقولك المعرض باع 200 ألف نسخة والمعرض فشل؛ دول الـ200 ألف بتوع هيئة الكتاب".

وواصل: "شوف بقي دور نشر كبيرة زي الشروق وزعت قد ايه والمصرية اللبنانية وزعت قد ايه ونهضة مصر وزعت قد ايه؛ البيع الفردي اتباع قده في الصفقات بين الناشرين والرقم لسة مطلعش والناس اللي في قلبها مرض مسك قالك 200 ألف نسخة وكل الهيصة دي عشان 200 ألف".

واختتم: "أنا بصحح التصريح المجتزأ الأستاذ اسلام مدير معرض الكتاب كان يتحدث عن مبيعات هيئة الكتاب فقط وأنا بطالب كل دار نشر شاركت في المعرض يعلنوا هي باعت كام نسخة؛ في ناس بتتحرش بالبلد ثقافيا وفي مثقفين أصحاب مصالح ولأنهم مش مشاركين فيقعد يهدها على دماغ الناس".