الجمعة 29 مارس 2024 الموافق 19 رمضان 1445
رئيس التحرير
شيماء جلال
عاجل
أخبار

عمرو أديب يعلق على رحيل كلاتينبرج: "الصحف بتكلم عن الفضيحة"

مارك كلاتينبرج -
مارك كلاتينبرج - رئيس لجنة الحكام السابق

علق الإعلامي عمرو أديب؛ على رحيل الإنجليزي مارك كلاتينبرج؛ رئيس لجنة الحكام باتحاد الكرة وما تلاه من تناول الصحف العالمية لواقعة رحيله.

وقال أديب خلال برنامج "الحكاية" المذاع على قناة "أم بي سي مصر": "كلاتينبرج قال على فكرة أنا مكانش اتفاقي معاهم ومع حازم إمام إن أنا أتفرغ؛ الراجل كان اتفاقه معاهم على التليفون كدة يعمل زوم بتاع كدة؛ انا مبتكلمش في الكورة ولا التحكيم أنا بتكلم عن ازاي بنتعامل مع الأشياء ونتائجها؛ أنتوا شايفين كل دي صحف تتحدث عن الفضيحة".

وأضاف: "الصحف بتكلم عن الفضيحة رئيس لجنة الحكام في مصر هرب عشان تم تهديده على حياته؛ واتقال أن في حد قاله أنت مثلي وأنتوا عارفين الموضوع دة برة حصل ازاي رجل رايح يشتغل في مهمة مفروض حياته متقباش مهددة بالفتل".

وتابع: "الراجل قال انا رحت لاتحاد الكرة وقاله الاتحاد أحنا أسفين منقدرش نعملك حاجة ونفاجا أن لجنة الانضباط اللي عندنا في مصر استقالت قالت احنا مش هنهزق نفسنا وحسينا أن الموضوع مش كويس وبايخ ومنقدرش نقعد".

وأوضح: "لجنة الانضباط قالت الناس شتموني وأنا ماشية أمال مين اللي هيطبق القانون هو أي حد حد بيهاجمه هيمشي؟ هو اتحاد الكرة دة ممكن يمشي بكرة عشان يقولك أصلهم شتموني".

وواصل: "البلد دي مبيطبقش فيها قانون الكرة ليه؟ أذا كان اللجنة اللي منوط بيها الانضباط قالتلك أنا آسفة جدا اتحاد الكرة راحلة الراجل اللي متعاقد معاه قاله احميني قاله مليش دعوة ربنا معاك؛ اللي أنا بحكيه دة الموثق ولكن لو أنا اتكلمت في كلام لن تصدقه".

وتقدم الإنجليزي مارك كلاتينبرج باستقالته من رئاسة لجنة الحكام باتحاد الكرة بعد ستة أشهر من توليه المسؤولية مرجعا قرار الرحيل إلى تلقيه تهديدات من المشجعين بالإضافة إلى هجوم رئيس نادي الزمالك عليه.

وأعلن اتحاد الكرة المصري قبول استقالة مارك كلاتنبرج من رئاسة لجنة التحكيم والتي تقدم بها مساء يوم الثلاثاء الماضي.

وأوضح اتحاد الكرة المصري عبر بيان: "قرر مجلس إدارة الاتحاد المصري لكرة القدم في اجتماعه الطارئ اليوم الأربعاء، قبول استقالة السيد مارك كلاتنبرج وتكليف الشئون القانونية بالاتحاد باتخاذ الاجراءات اللازمة لحفظ حقوق الاتحاد وما يترتب على الاستقالة طبقا لبنود العقد المبرم".