الإثنين 30 يناير 2023 الموافق 08 رجب 1444
رئيس التحرير
شيماء جلال
Advertisements
عاجل
أخبار

أول تعليق من عمرو أديب يعلق على خسارة الزمالك أمام بيراميدز

الإعلامي عمرو أديب
الإعلامي عمرو أديب

علق الإعلامي عمرو أديب؛ على خروج الزمالك من بطولة كأس مصر عقب خسارته أمام بيراميدز بركلات الترجيح في المباراة التي أقيمت بين الفريقين مساء اليوم.

وقال أديب خلال برنامج "الحكاية" المذاع على قناة "أم بي سي مصر": "هقول حاجة أنا مسؤول عنها؛ مفيش في مصر نادي فيه لاعيبة حريفة زي الزمالك؛ أنا بتكلم النهاردة مش عن التاريخ؛ اليوم الحريفة في مصر هي فرقة نادي الزمالك ولكن ما يحدث هذا الشهر بالتحديد خارق للعادة".

وأضاف: "أكتر حاجة توقفت عندها النهاردة الهزيمة أمام بيراميدز ولازم أهني بيراميدز؛ باتشيكو مدرب عشرة على عشرة والفرقة واقفة على رجليها؛ أنما ياسادة الزمالك كان قدامه 3 فرص واضحة أنه يفوز بالمباراة أول فرصة لما اطرد لاعب بيراميدز من الدقيقة عشرة لكن الزمالك قرر يلعب تسعة".

وتابع: "تاني حاجة وهذا أمر تاريخي؛ أنا مقتنع وحضراتكم مقتنعين أن ركلات الجزاء فيها جزء كبير من التوفيق لكن لما يدخل زيزو عشان حط كورة بالشكل دة دا غلط كل الغلط؛ اللي عمله زيزو أنه ضيع الماتش؛ هناك فرق كبير بين أنك تدخل فالجول يصدها".

وواصل: "هو أنت قبل الماتش بيوم وأنت بتدرب على ضربات الجزاء؛ زيزو قرر يلعبها بطريقة مش موجودة؛ في 129 طريقة للعب ضربة الجزاء وتضيع وزيزو قرر يلعبها بالطريقة 130 هو في حد بيشوط بلنتي كدة؟ أنت أول واحد حاطينه يشوط وأنت لازم تشوط مؤكد".

وأوضح: "الشباب بتوع بيراميدز هما داخلين يلعبوا ومفيش اختراع؛ زيرو كان بيخترع الطريقة الجديدة أنك تلعب بلنتي؛ الأهم بقى شيكابالا تاني؛ من أول مانزل مزاجه منحرف؛ مش دا شيكابالا اللي نعرفه فيه حاجة فيه".

وأكمل: "شيكابالا كان مدايق ملوش نفس؛ واحد ملوش نفس والتاني بيخترع عشان يحط بلنتي؛ فيريرا بيتزل اللاعبية مش في مراكزها وبقي بيخترع اختراعات غريبة؛ في الدوري نتايج وفي الكاس نتايج ولو كملنا كدة مفيش السنادي".

وذكر: "النهاردة بيراميدز رجالة؛ رمضان صبحي واللاعيب الجزايري والتونسي وكل اللاعيبة الأجانب؛ ايه الحكاية؟ أيه اللي بيجرا؟ في حالة من حالات العتولة أن الزمالك لما بيشعر بنفسه لاعيبة الزمالك صعبان عليها تلعب الكورة عادي".

وأردف: "أنت عندك ماتش الأهلي جاي في الدوري؛ والأهلي بكرة هيلعب قدام سموحة والكسبان هيلاعب بيراميدز؛ في النهاية في حاجة غلط وأحنا في أسوأ ظروفنا كنا أبطال الدوري وعلى مدى الأيام كدة في حالة من حالات الأحداث الغريبة ومفيش تصميم واهتمام".

واختتم: "اللاعيبة دي قيمتها اية غير أنها بتلعب في الزمالك؛ أنا مش عايز أقول كلام يضايق لكن في النهاية مفيش روح".

Advertisements
Advertisements