عمرو أديب: "الأسعار هتزيد والسوق السوداء مش بتنهار بالهاشتاج"

أكد الإعلامي عمرو أديب؛ أن الأسعار في مصر مرشحة للارتفاع خلال الفترة المقبلة، مشيرا إلى أن ارتفاع الدولار في البنوك سوف يؤثر على أسعار السلع.

وقال أديب خلال برنامج "الحكاية" المذاع عل قناة "أم بي سي مصر": "سؤالين الأول هل الأسعار هتزيد؟ في الغالب نعم؛ ليه لأن المركزي لما كان بيدبر للناس الدولار عشان يجيبوا السلع كان بيدبر على 24.-24.5 دلوقت هيدبر على 27 جنيه".

وأضاف: "السوق كان رافع الأسعار وبيقولك أنا بحاسب على 30 جنيه للدولار؛ دلوقت هو 27 وقربنا؛ هترفع بردو؟ هيرفعوا؛ تسأله طيب مانت رفعت قبل كدة يقولك لا مانا خلال اللي بيدبرهولي بـ27 مش 24 جنيه".

وتابع: "السؤال الدولة هتعمل ايه؟ الدولة اللي بتشتري المواد الأساسية لما تشتري بـ 27 هتعمل اية؟ يا جماعة حد يطلع يقول للناس معني دة ايه؟ أنا بقول المنطق أنه كان بـ 24 بقي بـ 27 السلعة اللي أنا بستوردها؛ وهذا مجتمع فيه من 70-80% منتجات جاية من الخارج؛ مواد انتاج ومنتجات خالصة كل حاجة من أول العيش بتاعك لحد العربية المرسيدس".

وأوضح: "حاجات هتزيد أو بتزيد لأن لها علاقة بالمكون الدولاري اللي قافل على 27.25؛ عشان الناس اللي بقالها شهر بتقول انهيار السوق السوداء؛ السوق السوداء مش بتنهار بالهاشتاج؛ بتنهار بقرارات اقتصادية ووفرة في التعامل وفلوس في السوق ووفرة في الأسواق".

وأكمل: "لازم رئيس الوزراء يطلع يقول معني اللي عمله المركزي دة ايه؛ دا معناه ايه؛ أنا معاك قولي على فكرة أنا دافع الفرق كله؛ معاك فلوس؟ أه أنا جاتلي فلوس شكرا؛ لكن أنا بقول لحضراتكم أنا مكلم عدد من التجار والمصنعين قالولي أن احنا كنا بنخده بـ 24 ودلوقت بـ 27 وقالولي هو كدة غلي خلاص وأنا هغلي".

واختتم: "ساعات كتير بنشوف أخبار ومحدش بيشرحلنا؛ اديني مثال كحكومة أن أنت متقشف وأنا مستعد اتحمل؛ انما المواطن هيقولك ايه دة هو؛ أحنا عندنا وثيقة تخارج الدولة قولي أنا ببيع وبخرج دة كله والفلوس اللي هخدي دي؛ احنا عندنا فوائد الدين رقم مذهل".