الإثنين 30 يناير 2023 الموافق 08 رجب 1444
رئيس التحرير
شيماء جلال
Advertisements
عاجل
أخبار

أحمد موسى عن عمليات التحايل والمضاربة على العملة: "إحنا بنحارب نفسنا ليه؟"

الإعلامي أحمد موسى
الإعلامي أحمد موسى

علق الإعلامي أحمد موسى؛ على بيان البنك المركزي المصري والذي صدر اليوم بشأن عمليات التحايل التي تمت مؤخرا من أجل المضاربة على العملة الأجنبية.

وقال موسى خلال برنامج "على مسؤوليتي" المذاع على قناة "صدى البلد": "اللي استغل الأزمة نتعامل معاه ازاي؟ هي الأزمة دي مش على الكل ويجي مواطن يستغل الأزمة ويستغل الوضع بدون وجه حق ويخلي البنك المركزي يعمل إجراءات عشان يواجه الأزمة".

وأضاف: "في ناس استغلت الأزمة بطريقة تانية من اللي موجودين برة؛ بدل ما يحول فلوسه في الطريق الرسمي عملوها بطريق غير رسمي؛ استغلال ومش كل الناس زي بعضها وفي ناس عملت شركات برة عشان الدولار".

وتابع: "في ناس استغلت وتربحت وعملت مكاسب على حسابنا؛ البنك المركزي كان واضحا؛ في بيان واضح جدا؛ البنك المركزي قال رصدنا ممارسات غير مشروعة في سوق النقد الأجنبي والبنك المركزي بيتعقب كل دة وليه بنتعامل يا جماعة بشكل غير قانوني".

وأوضح: "احنا بنحارب نفسنا ليه؟ هتخسر ويبقي في عقوبات هتتاخد طيب أنت بتاجر في السوق السوداء ليه؟ البنك المركزي عنده البيانات وبالتالي بيحرك القضايا".

وأكمل: "قيام البعض بتأسيس شركات ذات طبيعية خاصة في خارج البلاد تقوم بالوساطة وخاصة في مجال التصدير والسياحة وتستهدف الاحتفاظ بالنقد الأجنبي خارج البلاد".

وواصل: "يقولك تعالي نعمل شركة كدة؛ برة الشركات بتتأسس بالاخطار وتقول أنا بعمل شركة تصدير أو سياحة ويبقي عندك دولار أو درهم أو ريال سعودي أو دينار كويتي تحتفظ بيها برة تحت دعوى أن عندك شركة؛ ووتتاجر بالدولار في السوق السوداء".

وذكر: "عمل الشركة بالتحايل على القانون وخد العملة تاجر بالسوق السوداء وكل دة بيتعامل معه بالقانون؛ تحايل على قوانين البلد واحتفظ بيها في السوق السوداء وكانوا جزء من الأزمة؛ في ناس معروفين وشركات اتعملت مخصوص؛ كل دة معروف ومتشاف وكل دول هيتم التعامل معاهم بإجراءات قانونية".

واختتم: "انت عملت شركة سياحة تجيب دولار وعملة طيب العملة دي تدخل البنك المركزي والا أخدها اتاجر بيها؟ عملوا مضاربات على الأموال اللي أنت بتديله عشان يجيب لك سايح أو يصدر وفي الأخر مجابش سايح ولا صدر".

Advertisements
Advertisements