محمد الباز: صورة عودة شيرين وحسام حبيب الأسوأ في 2022
علق الإعلامي محمد الباز؛ على عودة شيرين عبد الوهاب إلى زوجها حسام حبيب بعد حالة من الجدل أثيرت خلال الفترة الماضية بعد طلاقهما.
وقال الباز خلال برنامج "أخر النهار" المذاع على قناة "النهار": "صورة عودة المطربة شيرين إلى زوجها حسام حبيب؛ برشحها لتكون أسوأ صورة في 2022 وبوجه رسالة إلى من يهمه الامر؛ بقالنا فترة طويلة الناس مشغولة بقضية تافهة تخص شيرين وحسام حبيب".
وأضاف: "للأسف الإعلام لعب فيها دور؛ يقول إن الإعلام أحيانا بيكون تافه أوي؛ تافه زيادة عن اللزوم وهذه الصورة بالنسبالي وبالنسبة لعدد كبير من جهور شيرين تكتب لحظة افتقاد الثقة فيها وأي مصداقية تتمتع بيها".
وتابع: "شيرين بتصرفاتها تستحق الحجر عليها ولكن في الآخر ولأن دي حياتها الشخصية وهي حرة أقفلي بابك عليكي أنتي والأستاذ حسام حبيب والناس كفاها مثل هذه الأخبار هتقولي الإعلام اللي بيروج هقولك إعلام تافه والله واللي بيقوموا عليه ناس تافهة جدا لأن البلد فيها كتير أهم من قضية وحياة وتفاصيل ومخدرات وجواز وطلاق وشتيمة بيقوم بيها الأستاذ حسام والاستاذة شيرين".
وأكمل: "الناس تعاطفت معاها وناس بتحبها ولكن يبدو أنه أدمنت الإهانة أو الضرب أو المشاكل؛ حدوا مشاكلكم وابعدوا عن الناس لأن الناس مش ناقصين".
من جهتها خرجت الفنانة شيرين عبد الوهاب عن صمتها بعد أزمتها الأخيرة، لتؤكد عودتها للفنان حسام حبيب رسميًا، وعقد قرانهما يوم الخميس الماضي، بحضور عدد من المقربين لهما فقط.
وأوضحت شيرين عبد الوهاب، "أنا غلطت لما طلعت اتكلمت بصوت عالي، أنا شيرين اللي طلعت واتكلمت والحقيقة كل حاجة كانت في العلن زعلي كان في العلن وحبي كان في العلن وكله كان في العلن، وحياتنا لما تبقى مفتوحة على الناس، هو اللي بيكبر المواضيع، والسوشيال ميديا، والناس اللي بتقول كلام متعرفوش".
وأكملت"بطمن الناس عليّ وعايزة استغل الفرصة دي وأقول أني بعتذر لحسام عن كلام صدر مني في يوم من الأيام، وأنا الآن في عصمة رجل طيب جدًا ولو كنت قولت كلام عنه فهو كان مزعلني فدا شيطان بيحصل بين المتزوجين، وإحنا كان معمول لنا حاجة كبيرة أوي واتفكت الحمدلله".
واختتمت: "اتخذنا القرار سريعا بسبب الضغوطات التي تعرضنا لها، وعنواني كان بيبقى كل يوم الصبح موجود في أي مكان، حسام هو من أقنعني كنا ناويين العودة يوم السبت ولكنه امبارح قالي نعمله انهاردة".
