الجمعة 29 مارس 2024 الموافق 19 رمضان 1445
رئيس التحرير
شيماء جلال
عاجل
تقارير

مطابق للمواصفات العالمية.. القصة الكاملة لكوبرى التجمع الخامس المثير للجدل

صورة من الكوبرى
صورة من الكوبرى

أثار كوبرى محور سميرة موسي بالتجمع الخامس جدلا واسعا بين رواد السوشيال ميديا، بسبب أن الكوبرى يبدو وكأنه جبل شاهق.

وقالت إحدى رواد السوشيال ميديا: "للساده المهندسين.. هو أبعاد الكوبري ده طبيعية؟ انا لما طلعت عليه كنت خائفة جدا وحسيت اني طلعت السماء  والسحاب والشمس تحتيا فقررت اني مش.. حطلع تاني عليه لأني حاسة انه فيه حاجه غلط ! فياريت لو حد متخصص يوضحلي.. ملحوظة ده الكوبري الجديد اللي من التجمع الخامس ويوصل لزهراء مدينه نصر وتحته المونوريل".

وقال محمد الشهيدي:' سألت صديقى المهندس الكبير في إنشاء الكباري الحاصل على الدكتوراه من أمريكا وقلت له بعد ان أرسلت له صورة الكوبرى الجديد اللي من التجمع الخامس ويوصل لزهراء مدينه نصر وتحته المونوريل ".
واستكمل:" قاللى شوف هابعتلك صورة كوبرى اوهاشى فى اليابان اللى اتعمل سنة 2004 واحكم انت وبعد ماشوفت كوبرى اوهاشى المرعب قلت له انت عارف المشكلة عندنا  لو حصل اثناء الصعود  موتور العربيه بطلت منك ‏هيبقى يوم أسود ضحك وقاللى الكوبرى المصرى يوافق المواصفات العالمية".

في سياق متصل صحفة التجمع لايف اوضحت حقيقة هذا الكوبرى من خلال فيديو تم نشره علي الصفحة وقالت الصفحة:"حقيقة الكوبري المثير للجدل في التجمع في فيديو حصري لصفحة التجمع لايف، ده الكوبري الجديد في محور الدكتورة سميرة موسي اللي عليه جدل في التجمع الخامس».

وأضاف أدمن الصفحة: «انا مش مهندس مدني ولا متخصص طرق، بس شايف ان الكوبري عادي جدًا زيه زي أي كوبري في الطلوع والنزول والفيديو عبارة عن جزئين، الجزء الأول وانت طالع ونازل من الكوبري والجزء الثاني بجوار الكوبري، تقدروا تتفرجوا على الفيديو وتحكموا".