أبرز تصريحات عمرو مصطفى المثيرة للجدل

يبحث الكثير من متابعي الوسط الفني في مصر والوطن العربي، عن أبرز تصريحات عمرو مصطفى المثيرة للجدل، حيث تصدر محركات البحث العملاقة "جوجل"، بالإضافة إلى مواقع التواصل الاجتماعي المختلفة.

ونشر عمرو مصطفي، رسالة غامضة عبر حسابه الرسمي على موقع التواصل الاجتماعي "فيسبوك"، قائلًا: "رسالة لجدو.. هتبعت ناس ولجان تشتم على الصفحة ولا هيهز شعرة مني، فلوس بترميها في الأرض".

وأضاف مصطفي، "هتبعت ناس تقول صوته وحش ملكش دعوة أنا هغني وصوتي وحش.. هتروح تخلي ناس تسرب الأغاني هطلع أفضحك وساعتها هتكون نهايتك بجد".

وتابع: "هتجيب عيال بفلوس تعمل فيديوهات إن الأغاني وحشة هتنجح غصب عنك لأنها من القلب.. هتقول فين المشاهدات هقولك ملكش دعوة أنا بعمل الأغاني لنفسي ومش هدفع فلوس زيّك يا جدو علشان الناس تشوفني، 100.000 على الفيسبوك بشرف أحسن من ملايين مزيفين يا جدو".

واختتم عمرو مصطفي رسالته قائلاً: "في الآخر اتقل علشان الجاي صعب، نسيت إنك بعت ناس للموزعين اللي بشتغل معاهم في الخارج علشان أنت قلودة قوي.. بس لما تنزل معاهم هفضحك عادي".

هذا وكان قد طرح عمرو مصطفى أغنية الجديدة "إلا أنا" منذ يومين، والتي تعد أولى أغاني ألبومه الجديد غيرك مين، الذي عكف على تحضيراته خلال السنوات الماضية، وسافر من أجل تحضيراته إلى إسبانيا، الأغنية من كلمات مصطفى إسماعيل وعمرو مصطفى، وألحان عمرو مصطفى.

كلمات أغنية" إلا أنا ":

إلا أنا أنا واجهة غلاف السنة أنا عندي الخلاف حرفنة لو هتسأل هناك أو هنا

أنا بعدي الكلام اتفنى الإ أنا في أول صف أنا وبعدي يجي ناس وسابق كله أنا علشان أنا الأساس يقولو ١٠٠ سنة دا كله كلام اتداس في أول صف أنا بقالي سنين

وحاولوا يقلدوا ومش عارفين إلا أنا أنا واجهة غلاف السنة أنا عندي الخلاف حرفنة لو هتسأل هناك أو هنا أنا بعدي الكلام اتفنى إلا أنا  حكايتي مكملة يغير اللي يغير دي أول مرحلة ولسه جاي كتير

يعيشوا في أسئلة وأنا سري في بير. 

كما كان قد سبق وأعلن الفنان عمرو مصطفى، عن ألبومه الجديد المقرر طرحه قريبًا، وذلك عبر حسابه الرسمى على موقع الصور والفيديوهات الشهير "إنستجرام".