عمرو مصطفى عن خلافه مع عمرو دياب: "ولا فارق معايا"

أكد المطرب والملحن عمرو مصطفى؛ أن من قدماه للجمهور هما عادل عمر والفنان عامر منيب لافتا أن قبلهما كان توفيق الله سبحانه وتعالي.

وقال مصطفى في مقابلة مع برنامج "حبر سري" المذاع على قناة "القاهرة والناس": "قبل عادل عمر وعامر منيب؛ الله سبحانه وتعالي ومجهودي اللي أدمر".

وعن خلافه مع عمرو دياب قال مصطفى: "كل المطربين عندي زي بعض؛ أنا بحب عمرو مصطفى بس ومفيش حد مهم؛ شغلي هو اللي مهم؛ العشرة؟ دا مجاش عزاني في أمي مش عايز حد يتكلم في الموضوع أصلا لأن في ردود كتيره هتزعل".

وتابع: "محدش غالي عندي؛ اللي غالية عندي كانت أمي وراحت؛ والغالي عندي دلوقت عمرو مصطفى وكانت دايما بتوصيني بكدة؛ الغالي عمرو مصطفى ومراتي وولادي".

وأكمل: "كفاية الجمهور عمالين يشفوني بتعصب وبتاع؛ عايز الناس يشوفوني على مسرح وبعمل مزيكا؛ يشوفوني على درامز؛ الموضوع زي ما يكون عندك ابن وصرفت عليه لحد ما بقي دكتور ولكن في الاخر نزل من الطب وراح اشتغل سباك لمجرد أن السباكة بتجيب فلوس أكتر".

واختتم: "أنا مش بخبط في حد اللي بيخبط دة بيكون في معزة دلوقت مش فارق خالص؛ ماية لا طعم ولا لون ولا ريحه؛ خسرت وقت ومجهود مقابل ولا حاجة؛ المتعة كانت فين في أني أشوف الناس بتردد الأغاني بتاعتي".