"لبسك حرام".. القصة الكاملة لتعدي سيدة على فتاة داخل المترو

تصدرت قصة ضرب فتاة داخل المترو بـ«الشبشب» مواقع التواصل الاجتماعي، حيث تم تداول فيديو على الفيس بوك لسيدة تقوم بضرب فتاة داخل مترو الانفاق بسبب ملابسها.

جنة محمد الفتاة التى تم الاعتداء عليها بالغة من العمر 24 عامًا، كشفت التفاصيل من خلال الصفحة الرسمية لها على الفيس بوك وقالت :«احنا كنا بنفطر في الكلية بحلوان الاثنين، وراجعين في المترو، والست اللي كانت في الفيديو قاعدة واحنا واقفين قدامها، وفجأة لاقيتها قالت لصاحبتي: انتي فاجرة ومفضوحة ولبسك مش محترم وحرام».

وأضافت جنة محمد: «الست كانت مصرة على شتميتنا وكررت تاني بدون أي معرفة أو حديث مسبق بينا علماً بأن لبس صحبتنا عادي جداً بشهادة الموجودين، وكانت لابسه تي شيرت نص كم، وردّت عليها بكل أدب: لبسي مفيهوش حاجة، فجاء ردّ السيدة بحدة: أنتي فاجرة، أنتوا بمناظركم دي تتمسكوا آداب، لمي درعاتك الرجالة طالعة ونازلة».

وواصلت الفتاة العشرينية المعتدي على صديقاتها سلمي ومعهن آية: « صاحبتي لما لقيت الست بتتكلم بالطريقة دي، رديت عليها: بتتكلمي كده ليه، لو عاوز تنصحي اتكلمي بشكل أفضل؟، قلعت الشبشب وبدأت كانت عاوزه تضربنا بيه».

واستمرت المشاجرة بين السيدة والفتيات لـ 5 محطات تقريباً، من محطة الملك الصالح حتى حدائق المعادي، وسط ردود أفعال كثيرة متضامنة معهن بعد انتشار الفيديو من صفحة جنة وبعض آخر يتضامن مع السيدة، واصفاً تفكيرها بـ «المريض»