"الاختيار 3" يعرض تسريبًا جديدًا لـ "مرسي والشاطر": البرادعي كان هيموت على رئاسة الوزراء

عرضت الحلقة التاسعة من مسلسل "الاختيار 3 – القرار"، تسريبًا جديدًا للقاء يظهر فيه الرئيس المعزول محمد مرسي، يتحدث لعدد من قيادات جماعة الإخوان، بينهم نائب المرشد خيرت الشاطر، عن محمد البرادعي.

وذكر "مرسي": قالوا البرادعي زعلان من موضوع.. هيموت على رئاسة الوزراء، هيموت، يعني حضرتك فاكر اتصل بينا مرتين في نفس اليوم يا عم مش إحنا اللي واقفين، قال خلاص بقولكم إذا مش واقفين، قولوا ليس لدينا مانع، هي رئاسة الوزراء مهمة للدرجة دي؟ حاجة غريبة جدًا".

ليتحدث "الشاطر" قائلًا: "أه واديت له رسالة إن الإخوان مش هيدوه في انتخابات الرئاسة، وهو بيراهن على غير كدا، فيبقى إذ كان التصويت كتلته 60-70% ماشية في اتجاه الإسلاميين، يبقى فرص نجاحه ضعيفة أو مش موجودة، فقرر الانسحاب، كنوع من الضغط بقى يعني جايز الناس بتحب الضحية، وجايز أي حد يتعاطف معاه على طريقة الأمريكاني يعني".

مسلسل "الاختيار 3 – القرار"، يعرض على قناة ON خلال الموسم الدرامي الحالي لشهر رمضان المبارك، تأليف هاني سرحان، وإخراج بيتر ميمي، إنتاج شركة سينرجي، بطولة أحمد السقا، وكريم عبد العزيز، وأحمد عز، وياسر جلال، وخالد الصاوي، وصبرى فواز، ونخبة من نجوم الدراما.