الأربعاء 18 مايو 2022 الموافق 17 شوال 1443
رئيس التحرير
شيماء جلال
Advertisements

تامر أمين يهاجم فيلم "أصحاب ولا أعز": "ثقافة عايزة تطبع علينا بالعافية"

الجمعة 28/يناير/2022 - 01:27 ص
الرئيس نيوز
حسام محمد
طباعة

علق الإعلامي تامر أمين على أزمة فيلم "أصحاب ولا أعز" والذي قام ببطولته الفنانة منى زكي والفنان إياد نصار ويعرض على منصة نتفلكس.

وقال أمين خلال برنامج "أخر النهار" المذاع على قناة "النهار": "في حد سألني أمبارح أنت ليه يا تامر عامل الشبورة دي على فيلم أصحاب والا أعز؛ أصحاب والا أعز مش مجرد فيلم ده ثقافة عايزة تطبق علينا بالعافية".

وأضاف: "أصحاب ولا أعز رسالة مطلوب أنها توصل؛ أصحاب والا أعز بالون اختبار ونشوف التأثير والعيار اللي ميصبش يدوش وبعد شوية نلاقي عيار تاني ودوشته أقل لحد ما نوصل للعيار اللي يصيب ووقتها قولوا على مجتمعاتنا السلام".

وتابع: "احنا عندنا أيه نخاف عليه أكتر من سلامة الأسرة أب وأم وأولاد؛ سلامة العيلة أحنا بنشقى وتنعب طول العمر عشان الأسرة دي وببساطة كدة شوية سموم من هنا أو هنا تضيع كل اللي بنعمله؟ هذا الفيلم لا يجب أن يمنع لكن يجب أن يكره ولازم نقوله غلط وعيب وحرام وميصحش".

وأكمل: "إذا كان دة حرية الإبداع ماشي وأنا حر في رأيي أقبل أو أرفض؛ لكن هتبلعني العولمة بالعافية؟ هتبلعني التقاليد اللي مش بتاعتي والسلوكيات الشاذة الغلط بالعافية؟ لا؛ عايز أعرف ايه عبقرية الفيلم ده عشان يتعمل منه سبع نسخ مختلفة".

وأوضح: "تيتانيك متعملش منه سبع نسخ؛ فيلم رامبو متعملش منه سبع نسخ دا اتعمل منه فيلم امريكي ومكسيكي وبرتغالي وعربي؛ يا سلام؟ من حلاوته أوي؟ عبقرية محصلتش أنه لازم كل شعب ناطق بلغة يشوفه؟".

وواصل: "محدش يقولي سيب الناس تختار؛ أنا بقول رأيي والغريبة أن أصحاب فكر الأبداع واللي بيدافعوا عن الفيلم مش عايزيني أقول رايي؛ أنا هقول رأيي بالفم المليان أنا ضد الفيلم وضد فكرة الفيلم وضد رسائل الفيلم وضد نهاية الفيلم لأن لازم يبقي في رسالة عقابية في الأفلام؛ أيوة وريني الغلط في الفيلم بس متخليهوش ينتصر".

واختتم: "سؤالي الأخير لكل واحد بيدافع عن الفيلم وشايف أن مفيهوش حاجة؛ لو بنتك والا بنتك وجالتك وقالتلك يا ماما أنا عايزة أروح أبات عند واحد صاحبي النهاردة؟ هتقوليلها زي اللي في الفيلم والا هتتخضي وتقوليلها عيب وميصحش؛ وحتى لو قلتي هي مش هتقولك أنتي مش كنتي بتدافعي عن فيلم أصحاب ولا أعز؟".

ads
ads
Advertisements
Advertisements
ads