الأربعاء 18 مايو 2022 الموافق 17 شوال 1443
رئيس التحرير
شيماء جلال
Advertisements

" قوم أطمئن علي فلوسك".. أزمة بنك CIB تثير الجدل.. وعميل: لقيت مليون جنيه في حسابي

الثلاثاء 18/يناير/2022 - 12:15 م
الرئيس نيوز
ريم محمود
طباعة


تصدرت أزمة بنك CIB مواقع التواصل الاجتماعي، بعد توقف سيستم البنك، لمدة 3 أيام وتضرر العديد من العملاء بحدوث زيادة أو نقصان في أرصدتهم.

قال أحمد مهران أحد المتضررين من  الأزمة:" أي حد عميل CIB Egypt وعمل عمليات سحب أو إيداع  من خلال ماكينات ATM خلال الجمعة أو السبت، ياريت يدخل على حسابه و يطمن على فلوسه.. السيستم كان بيتم تحديثه من يوم الخميس والمفروض أن عمليات السحب و الإيداع (من خلال ماكينات ال ATM باستخدام ال debit card وال pin code) كانت ترجع بشكل طبيعي من يوم الجمعة لكن للإسف فيه أخطاء حدثت بالجملة و الدنيا بايظة خالص.. أنا عن نفسي عملت إيداع يوم السبت بشكل طبيعي جداً، النهاردة الصبح اكتشفت إن الإيداع اتعمله عملية عكسية إمبارح و المبلغ إتخصم من رصيدي".

وأضاف مهران:" خدمة الكول سنتر واقعة من إمبارح حتى الآن، والبنك بيرفض تقديم الشكوى من خلال الفرع و بيوجه العملاء انهم يقدموا الشكوى من خلال مكالمة خدمة العملاء اللي هي الخدمة مش شغالة اصلاً".

وقال إسلام زكي متضرر آخر:" CIB Egypt السستم بتاعهم واقع و انا بسحب فلوس من مكنتهم معرفتش روحت اسحب من مكنة تانية تبع بنك تاني قالي في خطأ في المعاملة وفوجئت أن مبلغ كبير اتخصم مني".

وأضاف :" بعدها حاولت اكلم خدمة العملاء كتير جدا محدش بيرد و في الأخر ردو عليا سبعة الصبح و يقولي نعملك شكوي و فلوسك ترجعلك بعد ثلاثين يوم عمل.. أنا ذنبي اي احاسب علي فشلكم و أن السستم بتاعكم واقع ذنبي اي اني استني 30 يوم عمل ".

بينما قال هيثم فهمي الذي تلقي مليون جنيه في حسابه في منشور متداول له :" الناس كلها بقالها يومين بتسب و تلعن علشان السيستم واقع و فيه حسابات بقت متصفرة.. سيستم البنك نزلي مليون جنيه مرة واحدة".
ads
ads
Advertisements
Advertisements
ads