درة تكشف حقيقة إساءتها لمهرجان القاهرة السينمائي

كشفت الفنانة التونسية درة حقيقة إساءتها لمهرجان القاهرة السينمائي مؤكدة أنه لم تصرح بما يسيء للمهرجان أو إدارته.

وقالت درة في مقابلة مع برنامج "الحريم أسرار" المذاع على قناة "النهار": "أنا مقلتش على المهرجان أنا حسة أني في ميكروباص؛ ومقولتش الكلام دة ومعرفش هما جابوها منين".

وأضافت: "عشان يكون عندك مصدر هات تسجيل بصوتي فيه الكلام دة وطالما مفيش يبقي أنا مقلتش؛ وأنا بعتبر مصر زي تونس بالنسبالي نفسي يبقي في أحلي حاجة عندنا وأحلي تنظيم".

وتابعت: "أنا جيت مصر عشان بحب السينما المصرية والبلد دي ليها فضل عليا وعملتني كنجمة وأنا ممكن أدايق لو لقيت عيب في حاجة ودي مش طريقتي في الكلام ومقولتش التصريح دة".

وعن تواجدها في لجنة تحكيم مهرجان الإسكندرية السينمائي قالت درة: "الاختيارات في لجان التحكيم بيكون فيها تنوع في الجنسيات والأجيال وميبقاش كله جيل واحد".

واختتمت: "أنا بعتبر أن عندي ثقافة سينمائية وبتفرج على سينما من كل أنحاء العالم ومعرفش الاختيار بيكون مبني على ايه وأنا شاركت في أكتر من مهرجان في أبو ظبي وتونس".