الإثنين 23 مايو 2022 الموافق 22 شوال 1443
رئيس التحرير
شيماء جلال
Advertisements

عمرو أديب عن "رشوة الصحة": "الوزيرة ملهاش ذنب.. وتعرضت لحرج سياسي"

الثلاثاء 04/يناير/2022 - 01:33 ص
الرئيس نيوز
حسام محمد
طباعة

علق الإعلامي عمرو أديب؛ على بيان النيابة العامة عن قضية الفساد في وزارة الصحة والتي استبعدت الوزيرة هالة زايد على إثرها من مهام منصبها.

وقال أديب خلال برنامج "الحكاية" المذاع على قناة "أم بي سي مصر": "من كام يوم طلعت الأسماء المتورطة في قضية الفساد بوزا

رة الصحة؛ مفيش أسامي اللي موجود أنه في متهمين لكن الأسماء غير موجودة وانا بحترم دة جدا أنه ممكن يكون في مصلحة التحقيق".

رشوة وزارة الصحة


وأضاف: "اتضح أن القضية أن في مستشفى فقدت الترخيص بتاعها ودفعوا فلوس ملايين الجنيهات عشان الترخيص يرجع فاكرين أني الوحيد اللي طلعت في مصر قلتلكم أن الوزيرة لا علاقة لها بقضية الفساد وقلت أظن أنها لن تعود مرة أخرى".

وتابع: "إذا كان الأربعة دول ملهمش علاقة بوزيرة الصحة؛ الوزيرة مشيت ليه؟ على فكرة أصل مش سر يومين تلاتة وأساميهم هتطلع وأقعد استني أن أخد الخبر من برة أن واحد منهم احتمال يبقي ليه علاقة دم بالوزيرة أو مصاهرة؛ دا حقيقي الله أعلم".

وواصل: "الأربعة المحولين للنيابة دول لهم أسامي وهنعرف هنعرف؛ أنما الست تتظلم كدة أو نبقي فاهمين أن الناس عملت الموضوع دة من وراها وأنها شالت المسؤولية السياسية؛ لا عرفنا موقف الوزيرة ولا الناس دي بتشتغل أيه وفين؟".


رشوة وزارة الصحة 2022


وأكمل: "الأسبوع الجاي هيجي قرار الإحالة؛ إحالة فلان وفلان وأقعد بقي أقول إيه الحكاية وإية الموضوع ومين دا ومين دي وسمعة الناس؛ الوقائع بتاعة الفساد بتهم الناس جدا وللمرة الألف مهمول الهشتاج بتاع 25 يناير وجواه الحاجات دي انت قبضت على الناس معناه أن مفرقش معاك هو مين؛ أنت جميلك كمل جميلك وقول الموضوع كذا كذا؛ أنا عارف صانع القرار ينظر للقضية بحساسية جايز بيحقق مع ناس تانية يتقال كدة".

وأردف: "احنا عايزين الكلام دة يبقي موجود واحنا السنتين التلاته اللي فاتوا أسوأ الاخبار بتعرفها من جوة البلد الموضوع طلع بقالة تلات أربع أيام وكل واحد بيعمل قصة حلوة؛ أرجوكوا يا جماعة متسبوش الموضوع كدة".

واختتم: "ظني أنا لأني كنت أعرف هذه السيدة الفاضلة أنها ليست فاسدة من خلال معرفتي بيها؛ أنا بقول ظني وكان احساسي وأنا بتعامل معاها؛ كانت بتشتغل وتجري وتروح وتيجي وأنا يومها قلتلكم أنا مظنش خالص أن هذه السيدة الفاضلة لها علاقة بالموضوع كانت في قمة نجاحها لكن أن ليها قريب أو حد كان لها علاقة بيه هي ملهاش ذنب ولكن هنا برة وجوة في حرج سياسي وهي متقدرش تستمر في المكان اللي هي فيه".


 قد يهمك أيضا 

"ما زال متهما ولا تستقبلوه في بيوتكم".. متحدث الصحة يحذر من "سمكري البني آدمين"




ads
ads
Advertisements
Advertisements
ads