الثلاثاء 05 مارس 2024 الموافق 24 شعبان 1445
رئيس التحرير
شيماء جلال
عاجل
أخبار

منتج فيلم "ريش" يعلق على أزمة الجونة: "الموضوع أخذ أكبر من حجمه"

الرئيس نيوز

علق محمد حفظي؛ منتج فيلم ريش؛ على الانتقادات التي وجهت إلى الفيلم والاتهامات التي طالته بالإساءة إلى مصر خاصة بعد أن عرض في مهرجان كان السينمائي.

وقال حفظي في مداخلة هاتفية لبرنامج "الحكاية" المذاع على قناة "أم بي سي مصر": "الموضوع مكانش أكتر من خلاف في الرأي؛ الفنان شريف منير وتلات أو أربع فنانين معجبهمش الفيلم وخرجوا لما اتعرض في مهرجان الجونة".

وأضاف: "الموضوع مجرد خلاف في الرأي وكان في 150 من الجمهور العادي في العرض الصباحي للفيلم وكان في إشادة كبيرة من الجمهور".

وتابع: "بالنسبة لفكرة الرسالة أو عايز يقول ايه؛ العالم اللي بيرصده عمر زهيري تفاصيل هو اللي خلقها في عالم مجرد من الزمان والمكان وهي قضية إنسانية عن سيدة تعاني من فقر معين والموضوع انساني بحت ولا يتحمل أي أمور سياسية".

وواصل: "لو في فيلم فيه إساءة لمصر أنا مش هنتجه ولا أقربله لما الفيلم ياخد جايزة في مهرجان زي كان أحنا بنشعر بالفخر لأننا مصريين".

وأكمل: "دي لوحه من خلال فيلم سينمائي بيحاول المخرج يعبر عن نفسه بيها الموضوع مش سياسي والجدل كبر الموضوع من غير داعي".

وعن إمكانية تعرض الفيلم لمشكلات في العرض التجاري قال حفظي: "مظنش أن دة يحصل احنا مش بنعمل حاجة خارج المنظومة والرقابة شافته والدولة نفسها أشادت بيه عملنا حاجة وأخد أهم جايزة على مدار تاريخها وزارة الثقافة كرمتنا على الإنجاز بغض النظر عن حبهم للفيلم أو لا".