«بتكلم مين كدة يلا».. شاهدة عيان: أحمد سعد يصفع شابًا في محطة بنزين

نشرت إحدى رواد موقع التواصل الاجتماعي "فيسبوك"، صورة داخل "محطة بنزين"، ظهر فيها الفنان أحمد سعد، يقوم بالتشاجر مع شاب، في ظل قيام رجلين بتهدئته.

تفاصيل اعتداء أحمد سعد على شاب فى محطة بنزين بالتجمع الخامس

وكشفت الفتاة عن تفاصيل الواقعة قائلة: «النهاردة كنت في بنزينة إمارات مصر جنب داون تاون وشوفت شاب صغير في العشرينات كان معدّي من ورا عربية BMW x5/6 بيضة والعربية كانت بترجع بسرعة وكانت هاتخبط الولد، فالولد كرد فعل طبيعي قاله “خلي بالك وإنت راجع يا حبيبي”».

وتابعت الفتاة: «اتضح إن اللي كان راكب العربية الفنان أحمد سعد راح عليه وقاله "بتكلم مين كده يلا؟" فالولد رد عليه قاله "يلا؟ بكلمك انت" وطبعاً الكلام ماجاش على هوا ولا على كرامة أحمد سعد اللي ضرب الولد بالقلم قدام أمه وأخته والناس كلها في البنزينة ووقعه عالأرض قدام عربيتي بالظبط وقطعله تيشرته، وكرد فعل طبيعي مني أنا وأختي حاولنا نوقفه بالكلام فا رد علينا بشتايم قذرة جداً وابتسملنا ومشي بالعربية».

يهمك أيضًا.. سبب تصدر سميرة سعيد تريند موقع تويتر
واختتمت شاهدة العيان على الواقعة، كلام منشورها، قائلة: «الموقف ده بينلي قد إيه إحنا بندي قيمة لأشخاص ماتستاهلش وبنسيبهم يعيشوا وسطينا عادي جداً».