زوجة حلمي بكر ترد على الاتهامات: رفض يروح المستشفى
نفت سماح القرشي؛ زوجة الموسيقار حلمي بكر؛ الاتهامات الموجهة لها برفض نقله إلى المستشفى ومنع الزيارات عنه.
وقالت القرشي في مداخلة مع برنامج "كلمة أخيرة" المذاع على قناة "أون": "أستاذ حلمي رفض أننا نرد ولكن أنا استسمحته أن أرد؛ حلمي بكر مع مرآته وبنته وهو ده اللي قاله دلوقت؛ هو في الشرقية في مركز ومدينة كفر صقر واخواته كأنه عنده الأسبوع اللي فات ولكن رفض وقال أنا مش همشي من غير ماما اللي هي مامتي".
وأضافت: "الأستاذ حلمي بكر رفض يروح مستشفى وقلنا إننا نخليه يروح في منطقة فيها هوا نضيف وجبناه وجينا عشان أعلى يساعدوني مع علاجه؛ معندناش إمكانيات اننا ندخله مستشفى خاص؛ أستاذ حلمي لحد النهاردة رفض المستشفى".
وتابعت: "أبنه الشهر اللي فات كان جوه القاهرة ومجاش زاره؛ قال بعيد عليا من التجمع للمهندسين؛ هو أتكلم يوم الجمعة بالتليفون وأنا قلتله الأستاذ نايم وبعد ساعتين هنكون مع بابا كلمه ولكن متكلمش تاني وقال لو سمحتي انقليه بيته في المهندسين؛ والدك مش قاعد في الشارع هو قاعد في بيتي وعمارتي".
وأوضحت: "الرقم المعروف على التليفون بنرد عليه؛ أستاذة نادية كانت بتيجي تزوره ولما رفض المستشفى وقالها لا خلاص؛ مسموح لاي حد يزوره محدش جاء يزور الأستاذ واحنا منعناه؛ محصلش اخواته جم الشرقية وجابوا كبار البلد وقالوا عايزين نخدوا معانا وهو اللي رفض".
وأكملت: "هما عايزين يخدوه القاهرة عشان يشوفوه؛ الأستاذ نايم بقاله 3 شهور مبيتحركش؛ لو بيتعامل وحش أو بيتعذب هو لسا قايل هو أنا عيل صغير؟ دخلت كلمته وقلتله معلش لو سمحت سيبني أرد؛ أستاذ حلمي لو كان بيتعذب مكانش رجع البيت تاني ومكانش رجع لنا تاني".
واختتمت: "الأستاذ كان عنده كهربا زيادة في القلب وهو منع نفسه من التليفونات وبعد كده الكلي حصل فيها مشاكل وحاولنا نعالجها عشان مندخلش في مرحلة غسيل والحمد لله الدكتور محمد سلامة ادينا خطة قدرنا نعدي بالاستاذ حلمي خط الموت؛ عدينا خط الموت في فترة قصيرة جدا؛ في مشاكل في القلب والكلي وماية على الرئة وقدرنا نتخلص منها".
