النائبة مها عبدالناصر: مضاعفة باقة الإنترنت خطوة إيجابية.. وجودة الخدمة تحتاج لنقاش
ثمنت النائبة الدكتورة مها عبدالناصر، وكيل لجنة الاتصالات وتكنولوجيا المعلومات بمجلس النواب، قرار رئيس مجلس الوزراء خلال الجلسة الختامية لفعاليات منتدى مصر، بمضاعفة سعة باقة الإنترنت الأرضي الأساسية من 50 جيجا لـ 100 جيجا، بنفس السعر ومن غير أي زيادة في التكلفة.
مضاعفة باقة الإنترنت الأرضي من 50 جيجا لـ 100 جيجا
وقالت النائبة في منشور لها: «اتكلمت كتير عن الموضوع ده، ولسه هتكلم، لأن أنا دايمًا بكرر وبقول إن الدولة لازم تنظر للإنترنت على إنه مش مجرد رفاهية، لكنه بقى ضرورة أساسية في حياتنا اليومية.»
وتابعت: «الإنترنت النهارده وسيلة أساسية للشغل عن بُعد، والتعليم عن بُعد، وكمان عنصر مهم جدًا في التحول الرقمي اللي الدولة بتسعى لتحقيقه.. عشان كده، الإنترنت مش رفاهية، والقدرة على الوصول ليه بتكلفة مناسبة بقت ضرورة لازم الدولة تحطها في اعتبارها.»
قرار مضاعفة الباقة بنفس السعر خطوة إيجابية ومهمة
واختتمت وكيل لجنة الاتصالات وتكنولوجيا المعلومات قائلة: «قرار مضاعفة الباقة بنفس السعر خطوة إيجابية ومهمة، لكن لسه عندنا كلام كتير عن أسعار الإنترنت، وسعة الباقات، وجودة الخدمة، وإزاي نوفر إنترنت يناسب احتياجات المواطنين ويدعم مستقبل التعليم والشغل والتحول الرقمي في مصر.»