قصة جلال النقاش.. يحلم بعلاج عينه وتوظيف والده
تصدرت قصة جلال النقاش محركات البحث خلال الساعات الأخيرة، إذ تداول رواد مواقع التواصل الاجتماعي مقطع فيديو يظهر الطفل جلال -والذي يعمل نقاشًا- جالسًا على الأرض أثناء استراحة العمل، يتناول إفطاره المتواضع المكون من رغيف خبز وكيس “بابا غنوج”.
قصة جلال النقاش
وقال جلال، في تصريحات صحفية، أنه يحلم بعلاج عينه، وأن والده يعمل لدى الآخرين، دون امتلاك أي أرض أو مصدر دخل ثابت.
الطفل جلال النقاش
واستكمالًا لـ قصة جلال النقاش، فقد قال: “نفسي أبويا يتوظف في أي وظيفة أو يبقى عنده مشروع، إحنا عندنا بنات عايزة تتجوز، وأنا كمان نفسي أشتغل شغل براتب كويس، ويكون مناسب لحالتي الصحية وما يأثرش على عيني”.
وذكر: “أنا مكنتش متوقع خالص، صحيت لقيت الفيديو عامل ربع مليون مشاهدة، اتصدمت، أنا أصلًا مكنتش عايز أعمل حاجة، وصاحبي هو اللي شجعني وفضل ورايا”.
ورغم التعاطف الكبير معه، أكد “جلال” أنه رفض تلقي أي مساعدات مادية من المتابعين، مشددًا على أنه لم ينشر قصته من أجل الحصول على أموال.
وقال: “في ناس قالت تبعتلي فلوس، قلت لهم لا أنا مش عايز حاجة، أنا بس فرحت بدعاء الناس، ده اللي خلاني أكمل”.
علاج جلال النقاش
ومن بين التطورات الإيجابية في قصة “جلال”، كشف عن تواصل أحد الأطباء معه، وعرضه إجراء العملية الجراحية التي يحتاجها في عينه.
وقال: “نفسي أبني بيت كويس، وأساعد أبويا وإخواتي، أنا أكبر واحد وعندي أربع إخوات، وعايز أكون سند ليهم”.